“ಯುವತಿಯ ನಗ್ನ” ಮಾಡಿ-25 ಲಕ್ಷಕ್ಕೆ ಬೇಡಿಕೆಯಿಟ್ಟ ಭೂಪ ಅಂದರ್…!
1 min read
ಹುಬ್ಬಳ್ಳಿ: ಹಳೇಹುಬ್ಬಳ್ಳಿಯಲ್ಲಿ ಪರಿಚಿತ ಆಟೋ ಚಾಲಕನೋರ್ವ ಯುವತಿಯ ಮನೆಗೆ ನುಗ್ಗಿ ನಗ್ನವಾಗುವಂತೆ ಜೀವ ಬೆದರಿಕೆ ಹಾಕಿ, ವೀಡಿಯೋ ಮಾಡಿಕೊಂಡು 4ತೊಲೆ ಚಿನ್ನದ ಚೈನ್ ದೋಚಿದ್ದಲ್ಲದೇ, ನಗ್ನ ವೀಡಿಯೋವನ್ನ ಸಾಮಾಜಿಕ ಜಾಲತಾಣದಲ್ಲಿ ಹರಿಬಿಡದಿರಲು 25 ಲಕ್ಷ ರೂಪಾಯಿ ಬೇಡಿಕೆಯಿಟ್ಟಿದ್ದ ಭೂಪವನ್ನ ಪೊಲೀಸರು ಬಂಧನ ಮಾಡುವಲ್ಲಿ ಯಶಸ್ವಿಯಾಗಿದ್ದಾರೆ.
ಅನಿಲರಾಜ ಡೋಂಗ್ರೆ ಎಂಬ ಆಟೋ ಚಾಲಕ ಈ ಕೃತ್ಯವೆಸಗಿದ್ದು, ಹಳೇಹುಬ್ಬಳ್ಳಿ ಠಾಣೆಯ ಪೊಲೀಸರು ಆರೋಪಿಯನ್ನ ಬಂಧನ ಮಾಡಿದ್ದಾರೆ. ಕಳೆದ ಜನೇವರಿಯಲ್ಲಿಯೇ ಆರೋಪಿಯು ಯುವತಿಯ ನಗ್ನ ವೀಡಿಯೋ ಮಾಡಿಟ್ಟುಕೊಂಡಿದ್ದ.
ಯುವತಿಯ ಕುಟುಂಬದವರು ಗೌರವಕ್ಕೆ ಅಂಜಿ ಕೂತು ಯಾವುದೇ ದೂರನ್ನ ನೀಡರಲಿಲ್ಲ. ಆದರೆ, ಆರೋಪಿಯ ಕಿರುಕುಳ ದಿನೇ ದಿನೇ ಹೆಚ್ಚಾಗಿದ್ದರಿಂದ ಬೇಸತ್ತು ಠಾಣೆಗೆ ದೂರು ನೀಡಿದ್ದರು. ಪ್ರಕರಣ ದಾಖಲು ಮಾಡಿಕೊಂಡ ಪೊಲೀಸರು, ಆರೋಪಿ ಅನಿಲರಾಜನನ್ನ ಬಂಧನ ಮಾಡುವಲ್ಲಿ ಯಶಸ್ವಿಯಾಗಿದ್ದಾರೆ.
ಆರೋಪಿ ಅನಿಲರಾಜ ಪ್ರತಿದಿನವೂ ಯುವತಿಯ ತಾಯಿಯನ್ನ ಕಚೇರಿಗೆ ಆಟೋದಲ್ಲಿ ಬಿಡಲು ಹೋಗುತ್ತಿದ್ದ. ಹೀಗಾಗಿ ಎಲ್ಲರಿಗೂ ಪರಿಚಯನಾಗಿದ್ದ. ಯಾರೂ ಇಲ್ಲದ್ದನ್ನ ಮನಗಂಡ ಆಟೋ ಚಾಲಕ ಜನೇವರಿ 21ರಂದು ಅಕ್ಕಿ ಚೀಲವಿಡುವ ನೆಪದಲ್ಲಿ ಮನೆಯೊಳಗೆ ಬಂದು, ಯುವತಿಗೆ ಬೆದರಿಕೆ ಹಾಕಿ, ನಗ್ನ ವೀಡಿಯೋ ಮಾಡಿಕೊಂಡಿದ್ದ. ಮತ್ತೆ ಅದೇ ವೀಡಿಯೋವನ್ನ ಆಕೆಯ ಮೊಬೈಲಗೆ ಕಳಿಸಿ, ಹಣದ ಬೇಡಿಕೆಯಿಟ್ಟಿದ್ದ.
