ಹುಬ್ಬಳ್ಳಿಯಲ್ಲಿ ಹಾಡುಹಗಲೇ ವೈದ್ಯ ದಂಪತಿಗಳ ಮನೆ ಕಳ್ಳತನ..!

ಹುಬ್ಬಳ್ಳಿ: ನಗರದ ಕಿಮ್ಸ್ ಕ್ವಾಟರ್ಸ್ ನಲ್ಲಿನ ವೈದ್ಯ ದಂಪತಿಗಳ ಮನೆಯನ್ನ ಹಾಡುಹಗಲೇ ಕಳ್ಳತನ ಮಾಡಿ ಪರಾರಿಯಾಗಿರುವ ಪ್ರಕರಣ ಈಗಷ್ಟೇ ಬೆಳಕಿಗೆ ಬಂದಿದೆ.

ಡಾ.ನಿಖಿಲ್ ಹಾಗೂ ಡಾ.ದಯಾ ಎಂಬ ದಂಪತಿಗಳು ವಾಸಿಸುತ್ತಿದ್ದ ಕಿಮ್ಸ್ ಕ್ವಾಟರ್ಸ್ ನಲ್ಲಿ ಕಳ್ಳತನ ನಡೆದಿದ್ದು, 75 ಗ್ರಾಂ ಚಿನ್ನ ಹಾಗೂ ನಗದನ್ನ ದೋಚಿಕೊಂಡು ಪರಾರಿಯಾಗಿದ್ದಾರೆ.

ವೈದ್ಯ ದಂಪತಿಗಳು ಕಿಮ್ಸ್ ಗೆ ಕರ್ತವ್ಯಕ್ಕೆ ಹತ್ತುವರೆಗೆ ಹೋದ ನಂತರ ಕಳ್ಳತನ ನಡೆದಿದೆ. ಇಬ್ಬರು ಚಿಕ್ಕಮಕ್ಕಳ ತಜ್ಞರಾಗಿದ್ದಾರೆ. ಮರಳಿ ಮಧ್ಯಾಹ್ನ ಮನೆಗೆ ಬಂದಾಗ ಕಳ್ಳತನ ಪ್ರಕರಣ ಗೊತ್ತಾಗಿದೆ.

ತಕ್ಷಣವೇ ಶ್ವಾನದಳವೂ ಸೇರಿದಂತೆ ಹಿರಿಯ ಅಧಿಕಾರಿಗಳು ಸ್ಥಳಕ್ಕೆ ಆಗಮಿಸಿದ್ದು, ಪರಿಶೀಲನೆಯನ್ನ ನಡೆಸುತ್ತಿದ್ದಾರೆ. ಕಳೆದ ಎರಡು ದಿನದ ಹಿಂದೆ ಧಾರವಾಡದಲ್ಲಿ ಮೂರು ಕಡೆ ಸರಗಳ್ಳತನ ನಡೆದಿದ್ದ ಪ್ರಕರಣ ಮಾಸುವ ಮುನ್ನವೇ ಹಾಡುಹಗಲೇ ಕಳ್ಳತನ ನಡೆದಿರುವುದು ಅಚ್ಚರಿ ಮೂಡಿಸಿದೆ.

ವಿದ್ಯಾನಗರ ಠಾಣೆ ಪೊಲೀಸರು ಪ್ರಕರಣವನ್ನ ದಾಖಲು ಮಾಡಿಕೊಂಡಿದ್ದು, ಕಳ್ಳತನದ ಬಗ್ಗೆ ಮಾಹಿತಿಯನ್ನ ಸಂಗ್ರಹಿಸುತ್ತಿದ್ದಾರೆ.