ಕಲಬುರಗಿಯಿಂದ ರಾತ್ರಿ ಮತ್ತೊಂದು ಶ್ರಮಿಕ ರೈಲು ಬಿಹಾರದತ್ತ ಪ್ರಯಾಣ

ಕಲಬುರಗಿ: ಲಾಕ್ ಡೌನ್ ನಿಂದ ಕಲಬುರಗಿಯ ಸುತ್ತಮುತ್ತಲ ಜಿಲ್ಲೆಯಲ್ಲಿ ಸಿಲುಕಿಕೊಂಡಿದ್ದ ಬಿಹಾರ ಮೂಲದ 1049  ಕಾರ್ಮಿಕರು ಶ್ರಮಿಕ ರೈಲಿನಲ್ಲಿ ಪ್ರಯಾಣ ಬೆಳೆಸಿದ್ದಾರೆ.

ಬಿಹಾರಕ್ಕೆ ಹೋಗಲು ವಲಸೆ ಕಾರ್ಮಿಕರು ನೋಂದಣಿ ಮಾಡಿಸಿಕೊಂಡಿದ್ದರು. ಕಾರ್ಮಿಕರಿಗೆ ಸರ್ಕಾರಿ ಪಾಲಿಟೆಕ್ನಿಕ್ ಕಾಲೇಜಿನಲ್ಲಿ ಸ್ಕ್ರೀನಿಂಗ್ ಮಾಡಲಾಗಿತ್ತು. ಬೇರೆ ಬೇರೆ ಜಿಲ್ಲೆಯಿಂದ ಬಂದ ಕಾರ್ಮಿಕರಿಗೆ ಅಲ್ಲಿಂದ ಬರುವಾಗ ಸ್ಕ್ರೀನಿಂಗ್ ಮಾಡಲಾಗುತ್ತಿದೆ. ಜಿಲ್ಲಾಡಳಿತದಿಂದ ಕಾರ್ಮಿಕರಿಗೆ ಊಟ ಮತ್ತು ನೀರಿನ ವ್ಯವಸ್ಥೆ ಮಾಡಲಾಗಿತ್ತು. ಮೊನ್ನೆಯಷ್ಟೇ ಬಿಹಾರಕ್ಕೆ 1436 ಮತ್ತು ಉತ್ತರ ಪ್ರದೇಶಕ್ಕೆ 1500 ಪ್ರಯಾಣಿಕರು ಪ್ರಯಾಣ ಮಾಡಿದ್ದರು. ಬಿಹಾರಕ್ಕೆ ಹೊರಟ ಎಲ್ಲ ಪ್ರಯಾಣಿಕರಿಗೆ ಜಿಲ್ಲಾಧಿಕಾರಿ ಬಿ ಶರತ್ ಶುಭ ಕೋರಿದರು.