ಹುಬ್ಬಳ್ಳಿ ಪ್ರೇಮಿಗಳ “ರೆಮಡಿಸಿವರ್” ತತ್ವದರ್ಶಿ-ಸುಚಿರಾಯ….!

ಹುಬ್ಬಳ್ಳಿ: ಕೊರೋನಾದಿಂದ ನೂರೆಂಟು ಜನರು ಪ್ರಾಣವನ್ನ ಕಳೆದುಕೊಳ್ಳುತ್ತಿರುವ ಸಮಯದಲ್ಲಿ, ಹಣ ಮಾಡಬೇಕೆಂದು ಹೊರಟ ಪ್ರೇಮಿಗಳನ್ನ ಬಂಧನ ಮಾಡುವಲ್ಲಿ ಹುಬ್ಬಳ್ಳಿ-ಧಾರವಾಡ ಪೊಲೀಸ್ ಕಮೀಷನರೇಟಿನ ಸಿಸಿಬಿ ಪಡೆ ಯಶಸ್ವಿಯಾಗಿದೆ.

ತಮ್ಮ ಪ್ರೀತಿಯನ್ನ ಅಕ್ರಮವಾಗಿ ರೆಮಡಿಸಿವರ್ ಮಾರಾಟ ಮಾಡಲು ಬಳಕೆ ಮಾಡಿಕೊಂಡವರನ್ನ ಹೆಡಮುರಿಗೆ ಕಟ್ಟಿರುವ ಪೊಲೀಸರು, ಅಕ್ರಮವನ್ನ ತಡೆಯುವಲ್ಲಿ ಯಶಸ್ವಿಯಾಗಿದ್ದಾರೆ.

ಹುಬ್ಬಳ್ಳಿಯ ವೆಂಕಟೇಶ್ವರ ಕಾಲೋನಿಯ ಸಿದ್ದನಗೌಡಾ ಪಾಟೀಲ್ ಹಾಗೂ ವಿನಾಯಕನಗರದ  ರಿಯಾ ವಡ್ಡರ ಎಂಬುವವರೇ ಅಕ್ರಮವಾಗಿ ರೆಮಡಿಸಿವರ ಮಾರಾಟ ಮಾಡಲು ಹೋಗಿ ಸಿಲುಕಿಕೊಂಡಿದ್ದಾರೆ.

ನಗರದ ತತ್ವದರ್ಶಿ ಆಸ್ಪತ್ರೆಯ ಲ್ಲಿ ವಾರ್ಡ್ ನರ್ಸ್ ಆಗಿರುವ ರಿಯಾ, ಸುಚಿರಾಯ ಆಸ್ಪತ್ರೆಯಲ್ಲಿ ಕ್ಲೀನರಾಗಿರುವ ತನ್ನ ಪ್ರಿಯಕರ ಸಿದ್ದನಗೌಡನಿಗೆ ತತ್ವದರ್ಶಿ ಆಸ್ಪತ್ರೆಯ ರೋಗಿಯ ಬಳಿ ಇದ್ದ ರೆಮಡಿಸಿವರವನ್ನು ಕದ್ದುಕೊಂಡು ತಂದುಕೊಟ್ಟು, ಅದನ್ನು ಬೇರೆಯವರಿಗೆ ಮಾರಲು ಯತ್ನಿಸಿದಾಗ ಸಿಸಿಬಿ ಪೊಲೀಸರು ದಾಳಿ ಮಾಡಿ ಆರೋಪಿಗಳನ್ನು ಬಂಧಿಸಿ ಗೋಕುಲ ರೋಡ್ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲು ಮಾಡಿದ್ದಾರೆ.

ಒಂದು ಕಡೆ ಸಾವು, ಇನ್ನೊಂದು ಕಡೆ ನೋವು. ಇಂತಹ ಸಮಯದಲ್ಲೂ ಹಣದ ಹಪಾಹಪಿ..