ಹುಬ್ಬಳ್ಳಿ ಶಹರ ಠಾಣೆ ಗಾಂಜಾ ಪ್ರಕರಣ: ಆಕೆಯನ್ನ ಕೇಸಿಂದ ದೂರವಿಟ್ಟಿದ್ದಕೆ ಸಿಕ್ಕ “ಆನಂದ”ವೇನು….!
1 min read
ಹುಬ್ಬಳ್ಳಿ: ನಗರದ ಶಹರ ಠಾಣೆ ವ್ಯಾಪ್ತಿಯ ತಬೀಬ ಲ್ಯಾಂಡ್ ವಾಟರ್ ಟ್ಯಾಂಕ್ ಹತ್ತಿರ ನಡೆದ ಪೊಲೀಸ ಕಾರ್ಯಾಚರಣೆಯಲ್ಲಿ ನಾಲ್ವರನ್ನ ಬಂಧಿಸಲಾಗಿದೆ ಎಂದು ಹೇಳಿಕೊಂಡಿರುವ ಪೊಲೀಸರ ನಡೆಯ ಬಗ್ಗೆ ಹಲವು ಅನುಮಾನಗಳು ಮೂಡಿವೆ.
ಪೊಲೀಸರ ಪ್ರಕಾರ ತೌಸೀಫ, ಮಹ್ಮದಲಿ, ಸರ್ಫರಾಜ ಹಾಗೂ ಸಾಹಿಲ್ ಎಂಬುವವರನ್ನ ಬಂಧನ ಮಾಡಿ, ಕಾರನ್ನೂ ಮಾರಾಟಕ್ಕೀಟ್ಟಿದ ಕೆಜಿಗಟ್ಟಲೇ ಗಾಂಜಾವನ್ನೂ ವಶಕ್ಕೆ ಪಡೆದುಕೊಂಡಿದ್ದಾರೆ.
ಆದರೆ, ಅಸಲಿಯತ್ತು…
ಗಾಂಜಾ ಮಾರಾಟ ಮಾಡಲು ಮನೆಯೊಂದರಲ್ಲಿ ಪ್ಯಾಕಿಂಗ್ ಮಾಡುತ್ತಿದ್ದಾಗ, ಪೊಲೀಸರು ದಾಳಿ ಮಾಡಿರುತ್ತಾರೆ. ಗಾಂಜಾವನ್ನ ಬೀದರನಿಂದ ತರಲಾಗಿರತ್ತೆ. ಕಾರನ್ನ ಬಾಡಿಗೆಗೆ ತೆಗೆದುಕೊಂಡು ಹೋಗಿ, ಸುಮಾರು 6 ಕೆಜಿ ಗಾಂಜಾವನ್ನ ತರಲಾಗಿರತ್ತೆ. ಅಸಲಿಗೆ ಇದಕ್ಕೇಲ್ಲವೂ ಮಾಸ್ಟರ್ ಮೈಂಡ್ ಆಗಿದ್ದು ಆ ಯುವತಿ. ಆಕೆಯ ಪ್ರಿಯಕರನೋರ್ವ ಇದೀಗ ಆರೋಪಿ.
ಪೊಲೀಸರು ಅಸಲಿ ಆರೋಪಿಯನ್ನ ಬಿಟ್ಟು ಇನ್ನುಳಿದವರನ್ನ ಹಾಕಿದ್ದಾರೆಂಬ ದೂರುಗಳು ಕೇಳಿ ಬಂದಿವೆ. ಯುವತಿಯನ್ನ ಬಿಟ್ಟು ಕಳಿಸಿರುವುದಕ್ಕೆ ಆನಂದವಾಗಿದೇಯಾ ಎಂಬ ಪ್ರಶ್ನೆ ಕೂಡಾ ಮೂಡಿದೆ.
ಹುಬ್ಬಳ್ಳಿ ಶಹರ ಠಾಣೆಯ ಗಾಂಜಾ ಗಿರಾಕಿಯನ್ನ ಬಿಟ್ಟು ಕಳಿಸಿರುವುದರ ಹಿನ್ನೆಲೆಯನ್ನ ಹಿರಿಯ ಅಧಿಕಾರಿಗಳು ಪತ್ತೆ ಹಚ್ಚಬೇಕಿದೆ. ಅಪರಾಧಿಗಳನ್ನ ಬಿಟ್ಟು ಕಳಿಸುವುದರಲ್ಲಿ ಸಿಗುವ ಆನಂದವೇನು ಎಂಬುದನ್ನ ಅರಿತುಕೊಳ್ಳಬೇಕಿದೆ.
