ಉದ್ಯಮಿ ಸಂತೋಷ ಶೆಟ್ಟಿ ಮನೆಗಳ್ಳತನಕ್ಕೆ ಯತ್ನ…!
1 min read
ಹುಬ್ಬಳ್ಳಿ: ವಾಣಿಜ್ಯನಗರಿಯ ಉದ್ಯಮಿಯ ಮನೆಗೆ ಮೂವರು ಕಳ್ಳರು ಕನ್ನ ಹಾಕಿ, ವಿಫಲವಾದ ಪ್ರಕರಣವೊಂದು ಬೆಳಕಿಗೆ ಬಂದಿದ್ದು, ಪೊಲೀಸರು ಆರೋಪಿಗಳ ಪತ್ತೆಗಾಗಿ ಜಾಲ ಬೀಸಿದ್ದಾರೆ.
ಗೋಕುಲ ರಸ್ತೆಯ ಡಾಲರ್ಸ್ ಕಾಲನಿಯಲ್ಲಿರುವ ಉದ್ಯಮಿ ಸಂತೋಷ ಶೆಟ್ಟಿ ಮನೆಗೆ ಮೂವರು ಕನ್ನ ಹಾಕಿದ್ದು, ಲಾಕರ್ ಓಪನ್ ಆಗದೇ ಮರಳಿರುವ ಘಟನೆ ನಡೆದಿದೆ.
ಮನೆಯ ಹಿಂಬದಿಯ ಬಾಗಿಲು ಮುರಿದು ಒಳಗಡೆ ಕಳ್ಳತನಕ್ಕೆ ಯತ್ನವನ್ನು ಮಾಡಿದ್ದು, ಲಾಕರ್ ಓಪನ್ ಮಾಡಲಾಗದೆ. ದೇವರ ಕೋಣೆಯಲ್ಲಿದ್ದ ಹಣ ಹಾಗೂ ಒಂದು ವಾಚ್ ಕಳ್ಳತನ ಮಾಡಿಕೊಂಡು ಪರಾರಿಯಾಗಿದ್ದಾರೆ.
ಘಟನೆಯ ಬಗ್ಗೆ ಮಾಹಿತಿ ತಿಳಿಯುತ್ತಿದ್ದ ಹಾಗೆ ಸ್ಥಳಕ್ಕೆ ಗೋಕುಲ ಠಾಣೆಯ ಪೊಲೀಸರು ಭೇಟಿ ನೀಡಿದ್ದು, ಸಿಸಿಟಿವಿಯ ದೃಶ್ಯಾವಳಿ ಗಳ ಮೂಲಕ ಕಳ್ಳರ ಪತ್ತೆಗೆ ಜಾಲವನ್ನು ಬಿಸಿದ್ದಾರೆ.
