ಹುಬ್ಬಳ್ಳಿ ಉಪನಗರ ಠಾಣೆ ಪೊಲೀಸರ ಕಾರ್ಯಾಚರಣೆ: ಮೂವರ ಬಂಧನ- 4 ಬೈಕ್ ವಶಕ್ಕೆ…!
1 min read
ಹುಬ್ಬಳ್ಳಿ: ನಗರದ ಕಾಟನ್ ಮಾರ್ಕೆಟ್ ಸೇರಿದಂತೆ ವಿವಿಧ ಜಿಲ್ಲೆಗಳಲ್ಲಿ ಬೈಕ್ ಕಳ್ಳತನ ಮಾಡುತ್ತಿದ್ದ ಮೂವರನ್ನ ಬಂಧನ ಮಾಡುವಲ್ಲಿ ಉಪನಗರ ಠಾಣೆ ಪೊಲೀಸರು ಯಶಸ್ವಿಯಾಗಿದ್ದಾರೆ.
ಬಂಧಿತ ಆರೋಪಿಗಳನ್ನ ಸಕಲೇಪುರದ ಜಮ್ಮನಹಳ್ಳಿ ಗ್ರಾಮದ ಲಿಂಗರಾಜ್ ಅಲಿಯಾಸ್ ಉಮೇಶ ರಾಮೇಗೌಡ, ಶಿರಸಿ ತಾಲೂಕಿನ ಅಮ್ಮೇನಹಳ್ಳಿಯ ಪ್ರವೀಣಕುಮಾರ ವೆಂಕಟರಮಣ ನಾಯ್ಕ ಹಾಗೂ ಗೋಕುಲ ರಸ್ತೆಯ ಜಗದೀಶನಗರದ ಬಿ.ಕೆ.ಶಿವಮೂರ್ತಿ ಎಂದು ಗುರುತಿಸಲಾಗಿದೆ.
ಬಂಧಿತರಿಂದ 3ಲಕ್ಷ 80 ಸಾವಿರ ರೂಪಾಯಿ ಮೌಲ್ಯದ ನಾಲ್ಕು ವಿವಿಧ ಕಂಪನಿಯ ಬೈಕುಗಳನ್ನ ವಶಕ್ಕೆ ಪಡೆದು, ಆರೋಪಿಗಳನ್ನ ನ್ಯಾಯಾಲಯಕ್ಕೆ ಹಾಜರುಪಡಿಸಿದ್ದಾರೆ.
ಉಪನಗರ ಠಾಣೆ ಪೊಲೀಸ್ ಇನ್ಸಪೆಕ್ಟರ್ ರವಿಚಂದ್ರ ಡಿ.ಬಿ, ಪಿಎಸ್ಐ ಅಶೋಕ ಬಿಎಸ್ ಪಿ, ಪ್ರೋಬೆಷನರಿ ಪಿಎಸ್ಐ ಯು.ಎಂ.ಪಾಟೀಲ, ಎಎಸ್ಐ ಎಂ.ಬಿ.ದೊಡ್ಡಮನಿ, ಸಿಬ್ಬಂದಿಗಳಾದ ಸುನೀಲ ಪಾಂಡೆ, ಮಲ್ಲಿಕಾರ್ಜುನ ಧನಿಗೊಂಡ, ಮಂಜುನಾಥ ಯಕ್ಕಡಿ, ಪ್ರಕಾಶ ಕಲಗುಡಿ, ಮಂಜುನಾಥ ಹಾಲವರ, ರವಿ ಹೊಸಮನಿ, ರೇಣು ಸಿಕ್ಕಲಗೇರ, ಜಗದೀಶ ಹಟ್ಟಿ, ಕುಮಾರ ಬಾಗವಾಡಮಠ, ಮಾಬುಸಾಬ ಮುಲ್ಲಾ ಕಾರ್ಯಾಚರಣೆ ನಡೆಸಿದ್ದರು.
