ಹುಬ್ಬಳ್ಳಿ ಯುವತಿ ಮನೆಗೆ ಬಂದಿಲ್ಲಾ.. ನೀವೂ ಎಲ್ಲಿಯಾದರೂ ನೋಡಿದ್ದೀರಾ..?

ಹುಬ್ಬಳ್ಳಿ: ಯುವತಿಯೊಬ್ಬಳು ಕಾಲೇಜಿಗೆ ಹೋಗಿ ಬರುತ್ತೇನೆಂದು ಹೇಳಿ ಅತ್ತ  ಕಾಲೇಜಿಗೂ ಹೋಗದೆ, ಇತ್ತ ಮನೆಗೂ ಬಾರದ ಹಿನ್ನೆಲೆಯಲ್ಲಿ ಯುವತಿಯ ಮನೆಯವರು ಹುಬ್ಬಳ್ಳಿಯ ಬೆಂಡಿಗೇರಿ ಪೊಲೀಸ್ ಠಾಣೆಯಲ್ಲಿ ದೂರನ್ನು ನೀಡಿದ್ದಾರೆ.

ಕಳೆದ ಗುರುವಾರ ಭಾಗ್ಯಲಕ್ಷ್ಮಿ ನೀಲಪ್ಪನವರ ಎಂಬ 20 ವಯಸ್ಸಿನ ಯುವತಿ ಕೃಷಿ ಕಾರ್ಮಿಕ ನಗರದಲ್ಲಿರುವ ತನ್ನ ಮನೆಯಿಂದ ಕಾಲೇಜಿಗೆ ಹೋಗುತ್ತೇನೆಂದು ಕಾಲೇಜಿಗೂ ಹೋಗದೇ, ಗಬ್ಬೂರ ಬೈ ಪಾಸ್ ಬಳಿಯಲ್ಲಿನ ಗಾಳಿ ದುರ್ಗಮ್ಮನ ಗುಡಿಯ ಕಡೆಗೆ ತೆರಳಿ ಅಲ್ಲಿಂದ ಬೇರೆಡೆ ಹೋಗಿದ್ದಾಳೆ ಎಂದು ಕಾಣೆಯಾದ ಯುವತಿಯ ತಂದೆ ಭೀಮರಾವ ಬೆಂಡಿಗೇರಿ ಪೊಲೀಸ್ ಠಾಣೆಯಲ್ಲಿ ದೂರನ್ನು ನೀಡಿದ್ದಾರೆ.

ದೂರನ್ನು ದಾಖಲು ಮಾಡಿಕೊಂಡಿರುವ ಬೆಂಡಿಗೇರಿ ಠಾಣೆಯ ಪೊಲೀಸರು ತನಿಖೆಯನ್ನು ನಡೆಸುತ್ತಿದ್ದಾರೆ. ಈ ಯುವತಿಯನ್ನ ಎಲ್ಲಿಯಾದರೂ ಕಂಡರೇ, ಸಮೀಪದ ಪೊಲೀಸ್ ಠಾಣೆಗೆ ಅಥವಾ ಬೆಂಡಿಗೇರಿ ಪೊಲೀಸ್ ಠಾಣೆಯನ್ನ ಸಂಪರ್ಕಿಸಿ, ಮನೆಯವರ ನೆಮ್ಮದಿಗೆ ಕಾರಣವಾಗಬೇಕೆಂದು ಕೋರಿದ್ದಾರೆ.