ಹುಬ್ಬಳ್ಳಿಯಲ್ಲಿ 5ಕೆಜಿ 200 ಗ್ರಾಂ ಗಾಂಜಾ ಪತ್ತೆ…!
1 min read
ಹುಬ್ಬಳ್ಳಿ: ಪ್ರಯಾಣಿಕನ ರೀತಿಯಲ್ಲಿ ಬ್ಯಾಗಿನಲ್ಲಿ ಗಾಂಜಾ ಮಾರಾಟ ಮಾಡಲು, ಸಾಗಾಟ ಮಾಡುತ್ತಿದ್ದ ವ್ಯಕ್ತಿಯನ್ನ ಹುಬ್ಬಳ್ಳಿ-ಧಾರವಾಡ ಕಮೀಷನರೇಟಿನ್ ಸಿಸಿಬಿ ಹಾಗೂ ಸಿಇಎನ್ ಠಾಣೆಯ ಪೊಲೀಸರು ಬಂಧನ ಮಾಡುವಲ್ಲಿ ಯಶಸ್ವಿಯಾಗಿದ್ದಾರೆ.
ಹಳೇಹುಬ್ಬಳ್ಳಿಯ ಹೆಗ್ಗೇರಿ ಬಳಿಯಲ್ಲಿ ಸ್ಕೂಟಿಯೊಂದಿಗೆ ಹೋಗುತ್ತಿದ್ದ ಆರೋಪಿ ತೌಫೀಕ ಅಹ್ಮದ ಸಲೀಂ ಸುದರ್ಜಿ ಎಂಬಾತನ ಮೇಲೆ ದಾಳಿ ಮಾಡಿದಾಗ, ಆತನ ಬ್ಯಾಗಿನಲ್ಲಿದ್ದ 5 ಕೆಜಿ. 200 ಗ್ರಾಂ ಗಾಂಜಾ ಪತ್ತೆಯಾಗಿದೆ.
ಗಾಂಜಾ ಸಾಗಾಟ ಮಾಡಲು ಬಳಕೆ ಮಾಡಿದ್ದ ಸ್ಕೂಟಿಯೊಂದಿಗೆ ಪೊಲೀಸರು ಆರೋಪಿಯನ್ನ ಬಂಧನ ಮಾಡಿ, ನ್ಯಾಯಾಂಗ ಬಂಧನಕ್ಕೆ ಒಪ್ಪಿಸಿದ್ದಾರೆ. ವಶಪಡಿಸಿಕೊಂಡ ಗಾಂಜಾದ ಮೊತ್ತ 52 ಸಾವಿರ ರೂಪಾಯಿ ಎಂದು ಹೇಳಲಾಗಿದೆ.
ಎಸಿಪಿ ಆರ್.ಕೆ.ಪಾಟೀಲ ಮಾರ್ಗದರ್ಶನದಲ್ಲಿ ಸಿಸಿಬಿ ಇನ್ಸಪೆಕ್ಟರುಗಳಾದ ಅಲ್ತಾಫ ಮುಲ್ಲಾ, ಭರತರೆಡ್ಡಿ, ಸಿಇಎನ್ ಠಾಣೆಯ ಇನ್ಸಪೆಕ್ಟರ್ ಎಂ.ಎಸ್.ಹೂಗಾರ ಸೇರಿದಂತೆ ಸಿಬ್ಬಂದಿಗಳಾದ ವಿಜಯ ಮರಿಯಪ್ಪನವರ, ಅನಿಲ ಹುಗ್ಗಿ, ಆರ್.ಎಸ್.ಗುಂಜಾಳ, ನೀಲಗಾರ, ಅತ್ತಾರ, ಸಂತೋಷ, ಸಂಜೀವ ಕುರಹಟ್ಟಿ, ಗಿರೀಶ ಬಡಿಗೇರ, ರವಿ ಕೋಳಿ ಕಾರ್ಯಾಚರಣೆಯಲ್ಲಿ ಭಾಗವಹಿಸಿದ್ದರು.
