ಧಾರವಾಡ ಗ್ರಾಮೀಣ ಸರಕಾರಿ ಶಾಲೆ ಮಕ್ಕಳಿಗೆ ಭರವಸೆಯ ಬೆಳಕಾಗುತ್ತಿರುವ “ENABLING LEADERSHIP”…..!!!
1 min read
ಧಾರವಾಡ: ಗ್ರಾಮೀಣ ಭಾಗದ ಸರಕಾರಿ ಶಾಲೆಗಳಲ್ಲಿ ಶಿಕ್ಷಣ ಪಡೆಯುತ್ತಿರುವ ನೂರಾರೂ ವಿದ್ಯಾರ್ಥಿಗಳಿಗೆ ನೈತಿಕ ಬಲ ಹೆಚ್ಚಿಸಲು ಎನೆಬ್ಲಿಂಗ್ ಲೀಡರ್ಶಿಫ್ ಸಂಸ್ಥೆಯು ಸದ್ದಿಲ್ಲದೇ ಅವಿರತವಾಗಿ ಶ್ರಮಿಸುತ್ತಿದೆ.
ಸರಕಾರಿ ಶಾಲೆಗಳಲ್ಲಿ ಶಿಕ್ಷಣ ಪಡೆಯುತ್ತಿರುವ ವಿದ್ಯಾರ್ಥಿ- ವಿದ್ಯಾರ್ಥಿನಿಯರಿಗೆ ಫುಟ್ಬಾಲ್‌ನಲ್ಲಿ ಆಸಕ್ತಿ ಮೂಡಿಸುವ ಜೊತೆಗೆ ಪಂದ್ಯಾಟಗಳನ್ನೂ ನಡೆಸುತ್ತಿರುವುದು ಪಾಲಕರಲ್ಲಿ ಹೊಸ ಭರವಸೆ ಮೂಡಿಸಿದೆ.
ಇಂದು ಧಾರವಾಡದ ಮಲ್ಲಸಜ್ಜನ ಶಾಲೆಯ ಮೈದಾನದಲ್ಲಿ ನಡೆದ ಪಂದ್ಯಗಳ ಝಲಕ್ ಇಲ್ಲಿದೆ ನೋಡಿ…
ಸಂಸ್ಥೆಯು ಪ್ರತಿ ವಿದ್ಯಾರ್ಥಿಗೆ ಆಟಗಾರರು ಬಳಸುವ ಬಟ್ಟೆ ಹಾಗೂ ಶೂ‌ಗಳನ್ನು ಉಚಿತವಾಗಿ ಕೊಡುತ್ತಿರುವುದು ಗ್ರಾಮೀಣ ಭಾಗದಲ್ಲಿ ಹೊಸ ಸಂವತ್ಸರವನ್ನ ಆರಂಭಿಸಿದಂತೆ ಗೋಚರವಾಗುತ್ತಿದೆ.
ಎನೆಬ್ಲಿಂಗ್ ಲೀಡರ್ಶಿಫ್ ಸಂಸ್ಥೆಯ ಈ ಕಾರ್ಯ ಗ್ರಾಮೀಣ ಭಾಗದಲ್ಲಿ ಅಡಗಿ ಹೋಗಿದ್ದ ಪಠ್ಯೇತರ ಚಟುವಟಿಕೆಗಳಿಗೆ ಹೊಸದೊಂದು ಭಾಷ್ಯ ಬರೆದಿದೆ. ಸಂಸ್ಥೆಯಿಂದ ತರಬೇತಿ ನೀಡುವವರನ್ನ ನೇಮಕ ಮಾಡಿದ್ದಲ್ಲದೇ, ಪ್ರತಿ ವಿದ್ಯಾರ್ಥಿಯ ಗಮನ ಹರಿಸಲು ಸ್ಥಳೀಯರನ್ನ ನೇಮಕ ಮಾಡಿರುವುದು ವಿಶೇಷವಾಗಿದೆ.
