ಹುಬ್ಬಳ್ಳಿ ಬಳಿ ಲಾರಿಯಲ್ಲಿ ಶವ….!

ಹುಬ್ಬಳ್ಳಿ: ಶಿಗ್ಗಾಂವಿ ತಾಲೂಕಿನ ತಡಸ ಕ್ರಾಸ್ ಬಳಿಯಿರುವ ಹುಬ್ಬಳ್ಳಿ ಗ್ರಾಮೀಣ ಪೊಲೀಸ್ ಠಾಣೆ ವ್ಯಾಪ್ತಿಯ ಗಣೇಶ ಹೊಟೇಲ್ ಬಳಿ ನಿಲ್ಲಿಸಿದ ಲಾರಿಯಲ್ಲಿಯೇ ಚಾಲಕ ಸಾವನ್ನಪ್ಪಿದ ಘಟನೆ ನಡೆದಿದ್ದು, ಆತನ ಬಗ್ಗೆ ಯಾವುದೇ ಮಾಹಿತಿ ಸಿಗುತ್ತಿಲ್ಲ.

ಲಾರಿ ಸಂಖ್ಯೆ ಟಿಎನ್-05, ಎವಿ 3469 ನಂಬರಿನ ಲಾರಿಯನ್ನ ಗಣೇಶ ಹೊಟೇಲ್ ಬಳಿ ನಿಲ್ಲಿಸಿದ್ದಾನೆ. ನಿನ್ನೆ ರಾತ್ರಿಯಿಂದಲೂ ಲಾರಿಯನ್ನ ತೆಗೆಯದೇ ಇದ್ದಾಗ ಹೊಟೇಲ್ ಸಿಬ್ಬಂದಿ, ಚಾಲಕನನ್ನ ಎಬ್ಬಿಸಲು ಹೋಗಿದ್ದಾರೆ. ಆಗ ಚಾಲಕ ಅಲ್ಲಿಯೇ ಸಾವನ್ನಪ್ಪಿರುವ ಪ್ರಕರಣ ಬೆಳಕಿಗೆ ಬಂದಿದೆ.

ತಕ್ಷಣವೇ ಹುಬ್ಬಳ್ಳಿ ಗ್ರಾಮೀಣ ಠಾಣೆಗೆ ಮಾಹಿತಿ ನೀಡಿದ ಹೊಟೇಲ್ ಮಾಲೀಕರು, ತಮಗೆ ಹೇಗೆ ಗೊತ್ತಾಗಿದೆ ಎಂಬ ವಿವರವನ್ನ ನೀಡಿದ್ದಾರೆ. ಘಟನಾ ಸ್ಥಳಕ್ಕೆ ತೆರಳಿದ ಹುಬ್ಬಳ್ಳಿ ಗ್ರಾಮೀಣ ಠಾಣೆಯ ಪೊಲೀಸರು, ಶವವನ್ನ ಹುಬ್ಬಳ್ಳಿ ಕಿಮ್ಸಗೆ ತಂದಿಡಲಾಗಿದ್ದು, ಮುಂದಿನ ಕಾನೂನು ಕ್ರಮವನ್ನ ಜರುಗಿಸಿದ್ದಾರೆ.

ತಮಿಳುನಾಡಿನ ಲಾರಿಯ ವಿಳಾಸವನ್ನ ಪತ್ತೆ ಹಚ್ಚಿ, ಆ ಮೂಲಕ ಚಾಲಕನ ಮನೆಯವರ ಸಂಪರ್ಕ ಮಾಡಲು ಪೊಲೀಸರು ಕ್ರಮವನ್ನ ಜರುಗಿಸಿದ್ದಾರೆ.