ಭಾರತ ಜೋಡೊ ಯಾತ್ರೆಯಲ್ಲಿ ರಾಗಾ “ಕೈ” ಹಿಡಿದು ಹೆಜ್ಜೆ ಹಾಕಿದ ಡಾ.ಸೀಮಾ ಸಾಧಿಕಾ…!!!

ಬಳ್ಳಾರಿ: ಧಾರವಾಡ ಜಿಲ್ಲೆಯಲ್ಲಿ ಹಲವು ಜನಪರ ಕಾರ್ಯಕ್ರಮಗಳ ಮೂಲಕ ಜನನಾಯಕಿ ಎಂದೇ ಗುರುತಿಸಿಕೊಂಡಿರುವ ನಮ್ಮ ಮಿತ್ರ ಫೌಂಡೇಷನ್ ಸಂಸ್ಥಾಪಕಿ ಡಾ.ಸೀಮಾ ಸಾಧಿಕಾ ಅವರು, ರಾಷ್ಟ್ರೀಯ ಕಾಂಗ್ರೆಸ್‌ನಲ್ಲಿ ಮಹತ್ವದ ಪಾತ್ರವನ್ನ ವಹಿಸುತ್ತಿದ್ದಾರೆ.

ನಮ್ಮ ಮಿತ್ರ ಫೌಂಡೇಷನ್ ಮೂಲಕ ಧಾರವಾಡ ಜಿಲ್ಲೆಯ ಬಹುತೇಕ ಭಾಗಗಳಲ್ಲಿ ಬಡವರ ಪಾಲಿಗೆ ಬೆಳಕು ನೀಡುತ್ತಲೇ ಬಂದಿರುವ ಡಾ.ಸೀಮಾ ಸಾಧಿಕಾ ಅವರನ್ನ, ಭಾರತ ಜೋಡೊ ಯಾತ್ರೆಯಲ್ಲಿ ಸ್ವತಃ ರಾಹುಲ ಗಾಂಧಿಯವರು ಶಹಬ್ಬಾಸ್‌ಗಿರಿ ನೀಡಿದ್ದಾರೆ.

ಮೊಳಕಾಲ್ಮೂರು ಸಮೀಪದಲ್ಲಿ ಡಾ.ಸೀಮಾ ಅವರ ಕೈ ಹಿಡಿದು, ಆತ್ಮಸ್ಥೈರ್ಯವನ್ನ ಹೆಚ್ಚಿಸುವ ಮಾತುಗಳನ್ನ ರಾಹುಲ ಗಾಂಧಿಯವರು ಆಡಿದ್ದು, ಹೊಸ ಶಕೆಗೆ ನಾಂದಿ ಹಾಡಿದ್ದಾರೆ.

ರಾಷ್ಟ್ರೀಯ ಕಾಂಗ್ರೆಸ್‌ನಲ್ಲಿ ಬಹುದೊಡ್ಡ ಜವಾಬ್ದಾರಿಯನ್ನ ನಿಭಾಯಿಸಲು ಮುಂದಾಗಿರುವ ಡಾ.ಸೀಮಾ ಸಾಧಿಕಾ ಅವರಿಗೆ, ಕಾಂಗ್ರೆಸ್‌ನ ಹಿರಿಯ ಮುಖಂಡರು ಸಾಥ್ ನೀಡುತ್ತಿದ್ದಾರೆ.

ರಾಷ್ಟ್ರೀಯ ಮಹಿಳಾ ಕಾಂಗ್ರೆಸ್ ಅಧ್ಯಕ್ಷರ ಆಪ್ತ ವಲಯದಲ್ಲಿರುವ ಡಾ.ಸೀಮಾ ಸಾಧಿಕಾ ಅವರು, ಕಾಂಗ್ರೆಸ್ ಪಕ್ಷದಲ್ಲಿ ತಮ್ಮದೇ ರೀತಿಯಲ್ಲಿ ಛಾಪು ಮೂಡಿಸುತ್ತಿದ್ದಾರೆ.