BIg Exclusive: ಧಾರವಾಡದ PSI ದಾಸರೆಡ್ಡಿ, ಹುಬ್ಬಳ್ಳಿಯ ಹವಾಲ್ದಾರ್ ಅಮಾನತ್ತು… ಕಾರಣವೇನು ಗೊತ್ತಾ…!?
1 min read
ಹುಬ್ಬಳ್ಳಿ: ನಗರದ ಕಸಬಾಪೇಟೆಯ ಪೊಲೀಸ್ ಠಾಣೆಯ ಹವಾಲ್ದಾರ್ ಹಾಗೂ ಧಾರವಾಡದ ಉಪನಗರ ಠಾಣೆಯ ಪಿಎಸ್ಐವೋರ್ವರನ್ನ ಅಮಾನತ್ತು ಮಾಡಿ ಪೊಲೀಸ್ ಕಮೀಷನರ್ ರೇಣುಕಾ ಸುಕುಮಾರ ಅವರು ಆದೇಶ ಹೊರಡಿಸಿದ್ದಾರೆಂದು ಗೊತ್ತಾಗಿದೆ.
ಧಾರವಾಡ ಉಪನಗರ ಪೊಲೀಸ್ ಠಾಣೆಯ ಪಿಎಸ್ಐ ಸಚಿನ್ ದಾಸರೆಡ್ಡಿ ಅವರು ಕಳೆದ ಮೂರ್ನಾಲ್ಕು ದಿನಗಳ ಹಿಂದೆ ನಡೆದ ಘಟನೆಯೊಂದರಲ್ಲಿ ರೌಡಿಷೀಟರ್ ವಿಷಯವಾಗಿ ಕರ್ತವ್ಯಲೋಪವಾಗಿದ್ದು, ಇದೇ ಕಾರಣದಿಂದ ಅವರನ್ನ ಅಮಾನತ್ತು ಮಾಡಿದ್ದಾರೆಂದು ಗೊತ್ತಾಗಿದೆ.
ಹುಬ್ಬಳ್ಳಿಯ ಕಸಬಾಪೇಟೆ ಪೊಲೀಸ್ ಠಾಣೆ ವ್ಯಾಪ್ತಿಯಲ್ಲಿ ಜೂಜಾಟದ ಮೇಲೆ ಸಿಸಿಬಿ ದಾಳಿ ಮಾಡಿತ್ತು. ಆದರೆ, ಇಲ್ಲಿನ ಕ್ರೈಂ ಪೊಲೀಸರಿಗೆ ಮಾಹಿತಿ ಏಕೆ ಇರಲಿಲ್ಲವೆಂದು ಅಧಿಕಾರಿಗಳು ಗಮನಕ್ಕೆ ತಂದಿದ್ದರ ಪರಿಣಾಮ ಚೋಪದಾರ ಎಂಬ ಹವಾಲ್ದಾರ್ ಅವರನ್ನ ಅಮಾನತ್ತು ಮಾಡಲಾಗಿದೆ.
