ರಾಜ್ಯ ಸರಕಾರಿ ನೌಕರರ “ಮತದಾರರ ಪಟ್ಟಿ” ಮರೆ ಮಾಚುತ್ತಿರುವ ಧಾರವಾಡ ಘಟಕ… ಷಡಾಕ್ಷರಿಯವರೇ ಕಣ್ಣು ತೆರೆದು ನೋಡಿ…

ಧಾರವಾಡ: ರಾಜ್ಯ ಸರ್ಕಾರಿ ಜಿಲ್ಲಾ ನೌಕರರ ಘಟಕ ಇಲ್ಲಿಯವರೆಗೂ ರಾಜ್ಯ ಸರ್ಕಾರಿ ನೌಕರರ ಮತದಾರರ ಪಟ್ಟಿ ಪ್ರಕಟಿಸದೆ ನೌಕರರ ಕಣ್ಣಲ್ಲಿ ಮಣ್ಣು ಎರುಚುವ ಹೀನ ಕೃತ್ಯ ಮಾಡುತ್ತಿದೆ ಎಂದು ಆರೋಪಿಸಲಾಗುತ್ತಿದೆ.

ರಾಜ್ಯ ಸಂಘದವರು ದಿ. 03-06-24 ರಂದು ಹೊರಡಿಸಿರುವ ಮತದಾರರ ಪಟ್ಟಿ ನೋಟಿಸನಲ್ಲಿ ತಾಲೂಕ ಮತ್ತು ಜಿಲ್ಲಾ ಘಟಕಗಳಿಗೆ ಮತದಾರರ ಕರಡು ಪ್ರತಿ ಪ್ರಕಟಸಲು ದಿ. 08-06-2024 ರಿಂದ 30-06-2024 ರವೆರೆಗೆ ಅವಧಿ ನಿಗದಿಪಡಿಸಿದ್ದು, ದಿ 01-07-2024 ರಂದು ಮತದಾರರ ಪಟ್ಟಿ ಪ್ರಕಟಿಸಲು ಹಾಗೂ ದಿ.10-07-2024ರವೆರೆಗೆ ಆಕ್ಷೇಪಣೆಗಳನ್ನು ಸಲ್ಲಿಸಲು ನಿಗದಿಪಡಿಸಲಾಗಿತ್ತು.

ಆದರೆ, ಧಾರವಾಡ ಜಿಲ್ಲಾ ಸಂಘದವರು ಇಲ್ಲಿಯವರೆಗೆ ಮತದಾರರ ಪಟ್ಟಿ ಪ್ರಕಟಿಸದೆ ತಮಗೆ ಬೇಕಾದವರಿಗೆ ಅನುಕೂಲ ಮಾಡಿಕೊಡಲು ಹೋರಟಿದ್ದಾರೆ ಎಂದು ಆರೋಪಿಸಲಾಗುತ್ತಿದೆ. ಈಗಲಾದರೂ ರಾಜ್ಯಾಧ್ಯಕ್ಷ ಷಡಾಕ್ಷರಿಯವರು ಎಚ್ಚೆತ್ತುಕೊಂಡು ಧಾರವಾಡ ಕಡೆ ಕಣ್ಣು ಬಿಡುವರೆ ಎಂದು ಪ್ರಶ್ನಿಸುತ್ತಿದ್ದಾರೆ.