ಧಾರವಾಡಕ್ಕೆ ಎಂಟ್ರಿ ಕೊಟ್ಟಿದೆ ಕಳ್ಳರ ಗ್ಯಾಂಗ್… ಸಿಸಿಟಿವಿ ದೃಶ್ಯ ಬಹಿರಂಗ..!
1 min readಧಾರವಾಡ: ನಗರದಲ್ಲಿ ಖತರನಾಕ್ ಕಳ್ಳರ ಗ್ಯಾಂಗ್ ಎಂಟ್ರಿ ಕೊಟ್ಟಿದೆ ಎಂದು ಹೇಳಲಾಗಿದ್ದು, ಕಳ್ಳರ ತಿರುಗಾಡುವ ದೃಶ್ಯಗಳು ಬಹಿರಂಗಗೊಂಡಿದ್ದು, ಸಾರ್ವಜನಿಕರು ಪೊಲೀಸರಿಗೆ ಮಾಹಿತಿಯನ್ನ ರವಾನೆ ಮಾಡಿದ್ದಾರೆ.
ಧಾರವಾಡದ ಮದಿಹಾಳದ ಸಿದ್ದರಾಮಯ್ಯ ಕಾಲೋನಿಯಲ್ಲಿ ಕಳ್ಳರ ಓಡಾಟದ ದೃಶ್ಯಗಳು ಸಿಸಿಟಿವಿಯಲ್ಲಿ ದಾಖಲಾಗಿದ್ದು, ಜನರು ಪೊಲೀಸರಿಗೆ ಮಾಹಿತಿಯನ್ನ ನೀಡಿದ್ದಾರೆ.
ನಾಲ್ವರು ಕಳ್ಳರು ವಿವಿಧ ರೀತಿಯ ಪೋಷಾಕು ಹಾಕಿಕೊಂಡಿದ್ದು, ಒಬ್ಬರ ಹಿಂದೆ ಮತ್ತೋಬ್ಬರು ಹೋಗುವ ದೃಶ್ಯಗಳು ದಾಖಲಾಗಿವೆ. ಅದರಲ್ಲಿದ್ದ ಓರ್ವ ಆ ಕಡೆ-ಈ ಕಡೆ ನೋಡುತ್ತ ತೆರಳುತ್ತಿರುವುದು ಕೂಡಾ ಸ್ಪಷ್ಟವಾಗಿ ದಾಖಲಾಗಿದೆ.
ಈಗಾಗಲೇ ಶಹರ ಠಾಣೆ ಪೊಲೀಸರಿಗೆ ಮಾಹಿತಿಯನ್ನ ಸ್ಥಳೀಯರು ನೀಡಿದ್ದು, ಜನರು ಕೂಡಾ ಎಚ್ಚರಿಕೆಯಿಂದ ಇರಬೇಕಾದ ಸ್ಥಿತಿ ನಿರ್ಮಾಣವಾಗಿದೆ. ಕಳೆದ ಮೂರು ದಿನದ ಹಿಂದೆ ಧಾರವಾಡದ ಕೋಳಿಕೇರಿ ಪ್ರದೇಶದಲ್ಲಿ ಮೂರು ಮನೆಗಳ ಕಳ್ಳತನ ನಡೆದಿರುವುದನ್ನ ಇಲ್ಲಿ ಸ್ಮರಿಸಬಹುದಾಗಿದೆ.
