ನವಲೂರಲ್ಲಿ “ಮತ್ತಿಗಟ್ಟಿ” ಮೇಲೆ ಮಾರಣಾಂತಿಕ ಹಲ್ಲೆ…!
1 min read
ಧಾರವಾಡ: ತಾಲೂಕಿನ ನವಲೂರು ಗ್ರಾಮದಲ್ಲಿನ ಮನೆಯೊಂದರಲ್ಲಿ ಆಸ್ತಿಯ ವಿಷಯವಾಗಿ ವ್ಯಕ್ತಿಯೋರ್ವನ ಮೇಲೆ ಮಾರಣಾಂತಿಕವಾಗಿ ಹಲ್ಲೆ ಮಾಡಿರುವ ಘಟನೆ ರವಿವಾರ ನಸುಕಿನ ಜಾವ ಸಂಭವಿಸಿದ್ದು, ವ್ಯಕ್ತಿಯು ಸಾವು ಬದುಕಿನ ನಡುವೆ ಹೋರಾಟ ಮಾಡುತ್ತಿದ್ದಾರೆ.
18 ಎಕರೆ ಆಸ್ತಿಗಾಗಿ ನಸುಕಿನ ಜಾವ ಮೂರು ಗಂಟೆಗೆ ಬಂದಿರುವ ಎಂಟು ಜನರ ಗುಂಪು ಎಲ್ಲೆಂದರಲ್ಲಿ ಹರಿತವಾದ ಆಯುಧಗಳಿಂದ ಮಡಿವಾಳೆಪ್ಪ ಮತ್ತಿಗಟ್ಟಿಯವರ ಮೇಲೆ ಹಲ್ಲೆ ಮಾಡಿದ್ದು, ಘಟನೆಯ ನಂತರ ತೆರಳಿದವರಿಗೆ ಕಂಡ ದೃಶ್ಯಗಳು ಕರ್ನಾಟಕವಾಯ್ಸ್.ಕಾಂಗೆ ಲಭಿಸಿದ್ದು, ಇಲ್ಲಿವೆ ನೋಡಿ ಎಕ್ಸಕ್ಲೂಸಿವ್ ದೃಶ್ಯಗಳು..
https://www.facebook.com/100045805057267/videos/227409229432719/
ಘಟನೆಗೆ ಸಂಬಂಧಿಸಿದಂತೆ ಎಂಟು ಜನರ ಮೇಲೆ ಪ್ರಕರಣ ದಾಖಲಾಗಿದ್ದು, ರವಿ ಮತ್ತಿಗಟ್ಟಿ, ಮಂಜುನಾಥ ಮತ್ತಿಗಟ್ಟಿ, ಗಿರಿಮಲ್ಲಪ್ಪ ಮತ್ತಿಗಟ್ಟಿ, ಶಿವಪ್ಪ ಮತ್ತಿಗಟ್ಟಿ, ಫಕ್ಕೀರಪ್ಪ ಮತ್ತಿಗಟ್ಟಿ, ಜಯಪಾಲ ಹನಸಿ, ಮಂಜವ್ವ ಮತ್ತಿಗಟ್ಟಿ ಹಾಗೂ ಶಂಕ್ರೆವ್ವ ಮತ್ತಿಗಟ್ಟಿ ಮೇಲೆ ಪ್ರಕರಣ ದಾಖಲಾಗಿದೆ.
