ಮದಿಹಾಳದಲ್ಲಿ ಬಂದವರು ಒಂಬತ್ತು ಜನ… ಹೇಗೆ ಬಂದ್ರೂ.. ಹೇಗೆ ಹೊರಟ್ರೂ.. ಇಲ್ಲಿದೆ ನೋಡಿ ಎಕ್ಸಕ್ಲೂಸಿವ್ ವೀಡಿಯೋ…!
1 min read
ಧಾರವಾಡ: ಇಂದು ಬೆಳ್ಳಂಬೆಳಿಗ್ಗೆ ಗಾಬರಿ ಹುಟ್ಟಿಸಿರುವ ಮದಿಹಾಳ ಹಾಗೂ ಎಂಆರ್ ನಗರದ ಸರಣಿ ಕಳ್ಳತನದ ಪ್ರಕರಣಕ್ಕೆ ಸಂಬಂಧಿಸಿದಂತೆ ಬೆಚ್ಚಿ ಬೀಳಿಸುವಂತ ಸಿಸಿಟಿವಿ ದೃಶ್ಯಗಳು ಕರ್ನಾಟಕವಾಯ್ಸ್.ಕಾಂಗೆ ಲಭಿಸಿದ್ದು, ತಂಡದಲ್ಲಿ ಬಂದವರು 9 ಜನರು ಎಂದು ಗೊತ್ತಾಗಿದೆ.
ಧಾರವಾಡ ಮದಿಹಾಳ ಪ್ರದೇಶದಲ್ಲಿ ನಡೆದಿರುವ ಮೂರು ಮನೆಗಳಿಗೆ ತೆರಳುವ ಮುನ್ನ ಪ್ರದೇಶದೊಳಗೆ ಬರುವ ಒಂಬತ್ತು ಜನರ ಪೈಕಿ, ಮೂವರು ಮಾತ್ರ ಮುಖಕ್ಕೆ ಬಟ್ಟೆಯನ್ನ ಕಟ್ಟಿಕೊಂಡಿಲ್ಲ. ಇನ್ನುಳಿದವರು ಮುಖಕ್ಕೆ ಮತ್ತು ಕೈಗೆ ಬಟ್ಟೆಗಳನ್ನ ಕಟ್ಟಿಕೊಂಡಿದ್ದಾರೆ. ಅದರಲ್ಲಿ ಕೆಲವರು ಶೂಗಳನ್ನ ಕೈಯಲ್ಲಿ ಹಿಡಿದುಕೊಂಡು ಹೋಗುವ ದೃಶ್ಯಗಳು ಸಿಸಿಟಿವಿಯಲ್ಲಿ ಸೆರೆಯಾಗಿವೆ.
ಮೊದಲು ಒಳಗಡೆ ಹೋಗುವಾಗ ಕೈಗೆ ಬಟ್ಟೆ ಕೊಂಡಾತ, ಬೇರೆ ಮಾರ್ಗವನ್ನ ತೋರಿಸುತ್ತಾನೆ. ಅಷ್ಟರಲ್ಲಿ ಓರ್ವ ನಾಯಿಯೊಂದಕ್ಕೆ ಕಲ್ಲು ಎಸೆಯುತ್ತಾನೆ. ಮೊದಲು ಕೈಗೆ ಮಾಡಿ ಹೊರಟ ಜಾಗವೂ, ನಾಯಿಗೆ ಕಲ್ಲು ಒಗೆದ ರಸ್ತೆಯನ್ನ ಬಿಟ್ಟು ಕಳ್ಳರು ಬೇರೆ ರಸ್ತೆಯ ಮೂಲಕ ಕಳ್ಳತನಕ್ಕೆ ಮುನ್ನುಗುತ್ತಾರೆ. ಇದೇಲ್ಲವೂ ಸಿಸಿಟಿವಿಯಲ್ಲಿ ಕಂಡು ಬರುತ್ತಿದೆ.
ಧಾರವಾಡದ ಕೋಳಿಕೇರಿ ಪ್ರದೇಶದಲ್ಲಿ ನಡೆದ ಘಟನೆಯಲ್ಲೂ ಐದಕ್ಕಿಂತ ಹೆಚ್ಚು ಕಳ್ಳರು ಕಳ್ಳತನ ಮಾಡಿರಬಹುದೆಂದು ಶಂಕಿಸಲಾಗಿತ್ತು. ಈ ಮೂಲಕ ಅದು ಸತ್ಯವಾಗಿದ್ದು, ಅವರು ಐದು ಜನರಲ್ಲ, ಒಂಬತ್ತು ಜನರು ಎಂಬುದು ಗೊತ್ತಾಗಿದೆ.
