ಧಾರವಾಡ ಭೀಕರ ಅಪಘಾತ: ತಂದೆ ಸಾವು, ಮಗ ಬಚಾವ್…!
1 min read
ಧಾರವಾಡ: ತನ್ನೂರಿನಿಂದ ಧಾರವಾಡ ನಗರಕ್ಕೆ ಬರುತ್ತಿದ್ದ ಬೈಕಿಗೆ ಲಾರಿಯೊಂದು ಡಿಕ್ಕಿ ಹೊಡೆದ ಪರಿಣಾಮ ಸ್ಥಳದಲ್ಲಿಯೇ ವ್ಯಕ್ತಿಯೋರ್ವ ಸಾವಿಗೀಡಾಗಿ, ಮತ್ತೋರ್ವ ಗಾಯಗೊಂಡ ಘಟನೆ ನಗರದ ಹೊಯ್ಸಳ ನಗರ ಸೇತುವೆಯ ಬಳಿ ನಡೆದಿದೆ.
ಮನಗುಂಡಿ ಗ್ರಾಮದ ಶೇಖಯ್ಯ ರಾಚಯ್ಯ ಸಂಕೀನ ಎಂಬ 61 ವೃದ್ಧರೇ ಸಾವಿಗೀಡಾಗಿದ್ದು, ಅವರ ಮಗ ಪ್ರಾಣಾಪಾಯದಿಂದ ಪಾರಾಗಿದ್ದಾರೆ. ಆದರೆ, ಸಣ್ಣಪುಟ್ಟ ಗಾಯಗಳಾಗಿದ್ದು, ಅವರನ್ನ ಆಸ್ಪತ್ರೆಗೆ ರವಾನೆ ಮಾಡಲಾಗಿದೆ.
ಘಟನೆಯ ಮಾಹಿತಿ ಸಿಗುತ್ತಿದ್ದ ಹಾಗೇ ಸ್ಥಳಕ್ಕೆ ದೌಡಾಯಿಸಿರುವ ಸಂಚಾರಿ ಠಾಣೆಯ ಪೊಲೀಸರು ಶವವನ್ನ ಆಸ್ಪತ್ರೆಗೆ ರವಾನೆ ಮಾಡಿದ್ದು, ಎರಡು ವಾಹನಗಳನ್ನ ವಶಕ್ಕೆ ಪಡೆದು ಮುಂದಿನ ಕಾನೂನು ಕ್ರಮವನ್ನ ಜರುಗಿಸಿದ್ದಾರೆ.
