ಬಸ್ಸಿನಲ್ಲಿ ಟಿಕೆಟ್.. ಟಿಕೆಟ್.. ಎನ್ನುತ್ತಿದ್ದಾಗಲೇ ಹೃದಯಾಘಾತ: ಕಂಡಕ್ಟರ್ ಸಾವು…!
ಚಿಕ್ಕಮಗಳೂರು: ಪ್ರಯಾಣಿಕರ ಟಿಕೆಟ್ ಕೇಳಿ ಕೊಡುತ್ತಿದ್ದ ಸಮಯದಲ್ಲಿಯೇ ನಿರ್ವಾಹಕನಿಗೆ ಹೃದಯಾಘಾತವಾಗಿ ಸಾವಿಗೀಡಾದ ಘಟನೆ ಮೂಡಿಗೆರೆ ತಾಲೂಕಿನ ಮಲಯಮಾರುತ ಬಳಿ ಘಟನೆ ನಡೆದಿದೆ.
ವಿಜಯ್ (43) ಹೃದಯಾಘಾತದಿಂದ ಸಾವನ್ನಪ್ಪಿದ ನಿರ್ವಾಹಕನಾಗಿದ್ದು, ಚಿಕ್ಕಮಗಳೂರು-ಉಡುಪಿ KSRTC ಬಸ್ ನಲ್ಲಿ ಕಂಡಕ್ಟರ್ ಆಗಿ ಕರ್ತವ್ಯ ನಿರ್ವಹಿಸುತ್ತಿದ್ದರು.
ಬೆಳಗ್ಗೆ 6.30ಕ್ಕೆ ಚಿಕ್ಕಮಗಳೂರಿನಿಂದ ಉಡುಪಿ ಕಡೆ ಹೊರಟಿದ್ದ ಬಸ್ ಚಿಕ್ಕಮಗಳೂರು ಜಿಲ್ಲೆ ಮೂಡಿಗೆರೆ ತಾಲೂಕು ಮಲಯಮಾರುತದ ಬಳಿ ಬಂದಾಗ ಘಟನೆ ನಡೆದಿದೆ.
ತಕ್ಷಣವೇ ಆಸ್ಪತ್ರೆಗೆ ತೆಗೆದುಕೊಂಡು ಹೋದರೂ ಯಾವುದೇ ಪ್ರಯೋಜನವಾಗಿಲ್ಲ. ಮೃತದೇಹವನ್ನ ಆಸ್ಪತ್ರೆಯಲ್ಲಿಡಲಾಗಿದ್ದು, ಪೊಲೀಸರು ಮುಂದಿನ ಕಾನೂನು ಕ್ರಮವನ್ನ ಜರುಗಿಸಿದ್ದಾರೆ.
