ನ್ಯೂಸ್ ಫಸ್ಟ್ ಕ್ಯಾಮರಾಮನ್ ರಸ್ತೆ ಅಪಘಾತದಲ್ಲಿ ಸಾವು
1 min read
ಚಾಮರಾಜನಗರ: ನ್ಯೂಸ್ಫಸ್ಟ್ ಕ್ಯಾಮರಾಮ್ಯಾನ್ ಸೆಲ್ವರಾಜು ರಸ್ತೆ ಅಪಘಾದಲ್ಲಿ ಮೃತಪಟ್ಟಿದ್ದಾರೆ. ಚಾಮರಾಜನಗರ ಜಿಲ್ಲೆಯ ಯಳಂದೂರು ತಾಲ್ಲೂಕಿನ ಮಾಂಬಳ್ಳಿ ಗ್ರಾಮದ ಸೆಲ್ವರಾಜ್ ಕಳೆದ 2 ದಿನಗಳ ಹಿಂದೆ ಬೆಂಗಳೂರಿನಲ್ಲಿ ರಸ್ತೆ ಅಪಘಾತದಲ್ಲಿ ಗಾಯಗೊಂಡಿದ್ದರು. ಆಸ್ಪತ್ರೆಗೆ ದಾಖಲಾಗಿದ್ದ ಅವರು ಚಿಕಿತ್ಸೆ ಫಲಿಸದೆ ಇಂದು ಕೊನೆಯುಸಿರೆಳೆದಿದ್ದಾರೆ.
ಸೆಲ್ವರಾಜ್ ಉತ್ತಮ ವೀಡಿಯೋ ಛಾಯಾಗ್ರಾಹಕರಾಗಿದ್ದರು. ಚಾಮರಾಜನಗರದಲ್ಲಿ ಖಾಸಗಿ ನ್ಯೂಸ್ ಚಾನೆಲ್ನಲ್ಲಿ ಕ್ಯಾಮರಾಮ್ಯಾನ್ ಆಗಿ ಎರಡು ವರ್ಷ ಕರ್ತವ್ಯ ನಿರ್ವಹಿಸಿದ್ದರು. ಸದ್ಯ ನ್ಯೂಸ್ ಫಸ್ಟ್ ಬೆಂಗಳೂರು ಕಚೇರಿಯಲ್ಲಿ ಕೆಲಸ ಮಾಡುತ್ತಿದ್ದರು.
ಅಪಘಾತದಲ್ಲಿ ಗಾಯಗೊಂಡು, 2 ದಿನ ಕೋಮಾದಲ್ಲಿದ್ದ ಸೆಲ್ವರಾಜು ಇಂದು ಮೃತಪಟ್ಟಿದ್ದು, ತಾಯಿ ಹಾಗೂ ಹಿರಿಯ ಸಹೋದರನನ್ನ ಅಗಲಿದ್ದಾರೆ. ಸೆಲ್ವರಾಜ್ ಅವರ ಮೃತದೇಹ ಮಾಂಬಳ್ಳಿಗೆ ರವಾನೆಯಾಗಲಿದೆ. ಸಹೋದ್ಯೋಗಿಯನ್ನು ಕಳೆದುಕೊಂಡ ಪತ್ರಕರ್ತರು ಹಾಗೂ ಛಾಯಾಗ್ರಾಹಕರು ಸೆಲ್ವರಾಜ್ ನಿಧನಕ್ಕೆ ಸಂತಾಪ ಸೂಚಿಸಿದ್ದಾರೆ. ಅಲ್ಲದೇ ನ್ಯೂಸ್ಫಸ್ಟ್ ಸಿಬ್ಬಂದಿ ಸಹ ಸೆಲ್ವರಾಜ್ ಅವರ ನಿಧನದಿಂದಾಗಿ ದುಃಖತಪ್ತರಾಗಿದ್ದು, ಸಂತಾಪ ಸೂಚಿಸಿದ್ದಾರೆ.
