ಗೋವನಕೊಪ್ಪದ ಬಳಿ ಬೈಕ್ ಅಪಘಾತ- ಇಬ್ಬರಿಗೆ ಗಾಯ, ಓರ್ವನ ಸ್ಥಿತಿ ಗಂಭೀರ…
1 min read
ಧಾರವಾಡ: ವೇಗವಾಗಿ ರೋಡ್ ಹಂಪ್ಸ್ ನೋಡದೇ ಬೈಕ್ ಚಲಾಯಿಸಿದ ಪರಿಣಾಮ ಇಬ್ಬರು ಗಾಯಗೊಂಡ ಘಟನೆ ಧಾರವಾಡ ತಾಲೂಕಿನ ಗೋವನಕೊಪ್ಪದ ಖಾಸಗಿ ಶಾಲೆಯ ಬಳಿ ಸಂಭವಿಸಿದೆ.
ಬದಾಮಿ ತಾಲೂಕಿನ ಹೊಸೂರ ಗ್ರಾಮದ ಕನಕನಗೌಡ ಮೇಟಿ ಹಾಗೂ ಮತ್ತೋರ್ವ ಬೈಕಿನಲ್ಲಿ ಧಾರವಾಡದಿಂದ ಮರಳಿ ಹೋಗುವಾಗ ದುರ್ಘಟನೆ ನಡೆದಿದೆ.
ಬೈಕ್ ಸವಾರ ಘಟನೆಯಿಂದ ಪ್ರಜ್ಞಾಹೀನ ಸ್ಥಿತಿಗೆ ತಲುಪಿದ್ದು, ತೀವ್ರವಾದ ರಕ್ತಸ್ರಾವವೂ ಆಗಿದೆ. ಇಬ್ಬರು ಕೂಡಾ ಕುಡಿದ ಮತ್ತಿನಲ್ಲಿರಬಹುದೆಂದು ಶಂಕಿಸಲಾಗಿದೆ. ದಾರಿಹೋಕರು ಪೊಲೀಸರಿಗೆ ಮಾಹಿತಿ ನೀಡಿದ್ದಲ್ಲದೇ, ಅಂಬ್ಯುಲೆನ್ಸ್ ಮೂಲಕ ಆಸ್ಪತ್ರೆಗೆ ರವಾನೆ ಮಾಡಿದ್ದಾರೆ.
