ಹುಬ್ಬಳ್ಳಿಯಲ್ಲಿ ಬೆಟ್ಟಿಂಗ್: ಇಬ್ಬರ ಬಂಧನ
ಹುಬ್ಬಳ್ಳಿ: ಸಿಸಿಬಿ ಹಾಗೂ ಸಿಸಿಐಬಿ ಪೊಲೀಸರು ದಾಳಿ ಮಾಡಿ ಐಪಿಎಲ್ ಬೆಟ್ಟಿಂಗ್ ನಲ್ಲಿ ತೊಡಗಿದ್ದ ಇಬ್ಬರು ಆರೋಪಿಗಳನ್ನು ಬಂಧಿಸುವಲ್ಲಿ ಯಶಸ್ವಿಯಾಗಿದ್ದಾರೆ.
ಹಳೇ ಹುಬ್ಬಳ್ಳಿಯ ಮೊರಾರ್ಜಿ ನಗರದ ಹತ್ತಿರದ ಖಾಲಿ ಜಾಗೆಯಲ್ಲಿ ಮೊಹ್ಮದವಾಸಿಂ ಹೊಂಗಲ್ ಹಾಗೂ ನವೀದ ಮಾಲ್ಡಾರ್ ಇವರಿಬ್ಬರೂ ಐಪಿಎಲ್ ಬೆಟ್ಟಿಂಗ್ ನಡೆಸುತ್ತಿದ್ದ ಖಚಿತ ಮಾಹಿತಿಯ ಮೇರೆಗೆ ಹುಬ್ಬಳ್ಳಿಯ ಸಿಸಿಬಿ ಹಾಗೂ ಸಿಸಿಐಬಿ ಪೊಲೀಸರು ದಾಳಿಯನ್ನು ಮಾಡಿದ್ದಾರೆ.
ಇನ್ನು ಆರೋಪಿಗಳಿಂದ ಬೆಟ್ಟಿಂಗ್ ಗಾಗಿ ಬಳಸುತ್ತಿದ್ದ ಮೊಬೈಲ್ ಹಾಗೂ 18.600 ನಗದನ್ನು ವಶಪಡಿಸಿಕೊಂಡಿದ್ದಾರೆ.
ಸಿಸಿಬಿ ಇನ್ಸೆಪೆಕ್ಟರ್ ಅಲ್ತಾಫ್ ಮುಲ್ಲಾ ನೇತೃತ್ವದಲ್ಲಿ ಸಿಸಿಬಿ ಹಾಗೂ ಸಿಸಿಐಬಿ ಸಿಬ್ಬಂದಿಗಳಾದ ಎಎಸ್ಐ ಶಿವರಾಜ,ಪ್ರಕಾಶ ಸೋಗಿ,ಎಚ್. ವಿ.ಗಾಣದಾಳ, ಬಸವರಾಜ ಸಣ್ಣಪ್ಪನವರ,ಅನಿಲ ಹುಗ್ಗಿ,ಸಂತೋಷ ಇಚ್ಛಂಗಿ, ಎಂ ಕೆ ಅಕ್ತರ, ಆರ್ ಎಸ್ ಗುಂಜಾಳ, ಡಿ.ಎನ್. ಗುಂಡಗೈ, ಎಸ್.ಎಚ್.ಕೆಂಪೂಡಿ, ವಿ.ಆರ್. ಮರೆಪ್ಪನವರ್ ಕಾರ್ಯಾಚರಣೆಯಲ್ಲಿ ಭಾಗವಹಿಸಿದ್ದರು.
ಹಳೇಹುಬ್ಬಳ್ಳಿಯ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ಕೂಡಾ ದಾಖಲಾಗಿದೆ.
