ಬಿಇಓ ಕಚೇರಿ ಅಧೀಕ್ಷಕ ಕೊರೋನಾಗೆ ಬಲಿ…!
1 min read
ಬಳ್ಳಾರಿ: ಕ್ಷೇತ್ರ ಶಿಕ್ಷಣಾಧಿಕಾರಿಗಳ ಕಚೇರಿಯಲ್ಲಿ ಅಧೀಕ್ಷಕರಾಗಿದ್ದಕರಿಬಸವರಾಜ ಅವರು ಕೊರೋನಾಗೆ ಬಲಿಯಾಗಿದ್ದು, ಕಳೆದ ವಾರದಿಂದ ಚಿಕಿತ್ಸೆ ಪಡೆಯುತ್ತಿದ್ದವರು ಇನ್ನಿಲ್ಲವಾಗಿದ್ದಾರೆ.
ಕ್ಷೇತ್ರ ಶಿಕ್ಷಣಾಧಿಕಾರಿಗಳ ಕಚೇರಿಯಲ್ಲಿ ಎಲ್ಲ ಶಿಕ್ಷಕರೊಂದಿಗೆ ಉತ್ತಮ ಬಾಂಧವ್ಯ ಹೊಂದಿದ್ದ ಅಧೀಕ್ಷಕ ಬಸವರಾಜ ಅವರ ನಿಧನದಿಂದ, ತಾಲೂಕಿನ ಶಿಕ್ಷಕ ವಲಯದಲ್ಲಿ ನೀರವಮೌನ ಆವರಿಸಿದೆ.
ಕಚೇರಿಯಲ್ಲಿ ಕಾರ್ಯನಿರ್ವಹಿಸುತ್ತಿದ್ದ ಸಮಯದಲ್ಲಿಯೇ ತಪಾಸಣೆ ಮಾಡಿದಾಗ ಕಳೆದ ಒಂದು ವಾರದ ಹಿಂದೆ ದೃಢಪಟ್ಟಿತ್ತು. ತಕ್ಷಣವೇ ಬಳ್ಳಾರಿಯ ಆಸ್ಪತ್ರೆಯಲ್ಲಿ ಚಿಕಿತ್ಸೆಗಾಗಿ ದಾಖಲು ಮಾಡಲಾಗಿತ್ತಾದರೂ, ಇಂದು ಚಿಕಿತ್ಸೆ ಫಲಿಸದೇ ಸಾವಿಗೀಡಾಗಿದ್ದಾರೆ.
ಶಿಕ್ಷಕ ವಲಯ ಅಧಿಕಾರಿಯ ಸಾವಿನಿಂದ ತೀವ್ರ ಆಘಾತ ಅನುಭವಿಸಿದ್ದು, ಮೃತರ ಕುಟುಂಬಕ್ಕೆ ಈ ನೋವನ್ನ ಭರಿಸುವ ಶಕ್ತಿಯನ್ನ ನೀಡಲಿ ಎಂದು ಪ್ರಾರ್ಥಿಸಿದ್ದಾರೆ.
