ಅದರಗುಂಚಿಯಲ್ಲಿ ಚಾಕು ಇರಿತ- ಮೂವರಿಗೆ ಗಾಯ..!
1 min read
ಹುಬ್ಬಳ್ಳಿ: ತಾಲೂಕಿನ ಅದರಗುಂಚಿಯಲ್ಲಿ ಎರಡ್ಮೂರು ವರ್ಷದ ಹಿಂದಿನ ದ್ವೇಷದಿಂದ ಮೂವರ ಮೇಲೆ ಚಾಕುವಿನಿಂದ ಇರಿಯಲಾಗಿದ್ದು, ತೀವ್ರವಾಗಿ ಗಾಯಗೊಂಡಿರುವ ಮೂವರು ಹುಬ್ಬಳ್ಳಿ ಗ್ರಾಮೀಣ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲು ಮಾಡಿದ್ದಾರೆ.
ಸೋಲಾರ ಲೈಟಿನ ಸಂಬಂಧ ಎರಡ್ಮೂರು ವರ್ಷದ ಹಿಂದೆ ಜಗಳವಾಗಿದ್ದನ್ನೇ ಮನಸ್ಸಿನಲ್ಲಿಟ್ಟುಕೊಂಡಿದ್ದು, 11 ಜನರು ಮೂವರ ಮೇಲೆ ಹಲ್ಲೆ ಮಾಡಿದ್ದು, ತಲೆಗೆ ಮತ್ತು ಕುತ್ತಿಗೆಯ ಹತ್ತಿರ ಗಾಯಗಳಾಗಿವೆ. ಘಟನೆಯಲ್ಲಿ ದೊಡ್ಡಪ್ಪ ಪರಸಪ್ಪ ದ್ಯಾವಪ್ಪನವರ್, ಪ್ರವೀಣ್ ದೊಡ್ಡಪ್ಪ ದ್ಯಾವಪ್ಪನವರ್ ಹಾಗೂ ನವೀನ ಕಂಡಪ್ಪ ದ್ಯಾವಪ್ಪನವರ್ ಗಾಯಗೊಂಡಿದ್ದು, ಹುಬ್ಬಳ್ಳಿಯ ಕಿಮ್ಸನಲ್ಲಿ ಚಿಕಿತ್ಸೆ ಪಡೆದಿದ್ದಾರೆ.
ಹಲ್ಲೆ ಮಾಡಿದ ಗುರುರಾಜ ರೇವಣ್ಣನವರ, ಗಂಗಾಧರ ನರಗುಂದ, ರೇವಣಪ್ಪಾ ರೇವಣ್ಣನವರ ಸೇರಿದಂತೆ ಒಟ್ಟು 11 ಜನರ ಮೇಲೆ ದ್ಯಾವಪ್ಪನವರ ದೂರು ನೀಡಿದ್ದಾರೆ. ಪ್ರಕರಣ ದಾಖಲು ಮಾಡಿಕೊಂಡಿರುವ ಹುಬ್ಬಳ್ಳಿ ಗ್ರಾಮೀಣ ಠಾಣೆ ಪೊಲೀಸರು ಮುಂದಿನ ಕಾನೂನು ಕ್ರಮವನ್ನ ಜರುಗಿಸಿದ್ದಾರೆ.
