ಕುಡುಕ ಆಟೋ ಡ್ರೈವರ್ ಆವಾಂತರ: ಆಟೋ-ಸ್ಕೂಟಿ ಡಿಕ್ಕಿ- ಇಬ್ಬರಿಗೆ ತೀವ್ರ ಗಾಯ…!

ಹುಬ್ಬಳ್ಳಿ: ಕುಡಿದ ಅಮಲಿನಲ್ಲಿ ಆಟೋ ಚಲಾಯಿಸುತ್ತಿದ್ದ ಚಾಲಕ ನಿಯಂತ್ರಣ ತಪ್ಪಿ ಸ್ಕೂಟರಗೆ ಡಿಕ್ಕಿ ಹೊಡೆದು ಆಟೋ ಪಲ್ಟಿ ಮಾಡಿದ ಘಟನೆ ನೃಪತುಂಗನಗರದ ಬಳಿ ಸಂಭವಿಸಿದ್ದು, ಅಮಲಿನಲ್ಲಿದ್ದ ಆಟೋ ಚಾಲಕ ಹಾಗೂ ಸ್ಕೂಟರ್ ಸವಾರ ತೀವ್ರವಾಗಿ ಗಾಯಗೊಂಡಿದ್ದು, ಹುಬ್ಬಳ್ಳಿ ಕಿಮ್ಸಗೆ ರವಾನೆ ಮಾಡಲಾಗಿದೆ.

ನವನಗರದ ಆಟೋ ಚಾಲಕ ಬಸಪ್ಪ ವಾಲೀಕಾರ ಕುಡಿದ ಅಮಲಿನಲ್ಲಿ ಆಟೋ ಚಲಾಯಿಸಿಕೊಂಡು ಬರುತ್ತಿದ್ದ ಸಮಯದಲ್ಲಿ ಎದುರಿಗೆ ಸ್ಕೂಟಿಯಲ್ಲಿ ಬಂದ ಉಣಕಲ್ ಗ್ರಾಮದ ನಿವಾಸಿ ಶಿವು ಎಂಬಾತನಿಗೆ ಡಿಕ್ಕಿ ಹೊಡೆದಿದ್ದಾನೆ. ಅಷ್ಟೇ ಅಲ್ಲ, ಸ್ಕೂಟಿ ಡಿಕ್ಕಿ ಹೊಡೆದ ನಂತರ ಆಟೋ ನಿಯಂತ್ರಣ ತಪ್ಪಿ ಆಟೋ ಪಲ್ಟಿಯಾಗಿದೆ.

ಘಟನೆ ನಡೆಯುತ್ತಿದ್ದ ಹಾಗೇ ದಾರಿಹೋಕರು ಅಂಬ್ಯುಲೆನ್ಸಗೆ ಕರೆ ಮಾಡಿ, ಕುಡುಕ ಆಟೋ ಡ್ರೈವರ್ ಹಾಗೂ ಸ್ಕೂಟಿ ಸವಾರ ಶಿವನನ್ನ ಕಿಮ್ಸ್ ಆಸ್ಪತ್ರೆಗೆ ಚಿಕಿತ್ಸೆಗಾಗಿ ರವಾನೆ ಮಾಡಿದ್ದಾರೆ.

ಘಟನೆಯ ಬಗ್ಗೆ ಪೊಲೀಸರು ಮಾಹಿತಿಯನ್ನ ಕಲೆ ಹಾಕಿ ಮುಂದಿನ ಕಾನೂನು ಕ್ರಮವನ್ನ ಜರುಗಿಸಲಿದ್ದಾರೆ.