ವಾರದ ಹಿಂದೆ ಮದುವೆಯಾಗಿದ್ದ “ಹುಬ್ಬಳ್ಳಿ ಬಿಇಓ ಕಚೇರಿ ಅಕೌಂಟೆಂಟ್” ಪ್ರತಿಮಾ ಗೆಜ್ಜಿ ದುರ್ಮರಣ..
1 min read
ಹುಬ್ಬಳ್ಳಿ: ವಾರದ ಹಿಂದಷ್ಟೇ ಮದುವೆಯಾಗಿದ್ದ ಹುಬ್ಬಳ್ಳಿ ಬಿಇಓ ಕಚೇರಿಯ ಅಕೌಂಟೆಂಟ್ ಪ್ರತಿಮಾ ಗೆಜ್ಜೆ ಪತಿಯೊಂದಿಗೆ ತಡಸ ಕ್ರಾಸ್ ನಲ್ಲಿರೋ ಗಾಯತ್ರಿ ತಪೋ ಭೂಮಿಗೆ ಹೋಗುತ್ತಿದ್ದಾಗ ಬೈಕಿಗೆ- ಕಾರು ಡಿಕ್ಕಿ ಹೊಡೆದ ಪರಿಣಾಮ ಸ್ಥಳದಲ್ಲಿಯೇ ಸಾವಿಗೀಡಾದ ಘಟನೆ ಪಾಲಿಕೊಪ್ಪ ಕ್ರಾಸ್ ಬಳಿ ಸಂಭಸಿದ್ದು, ಪ್ರತಿಮಾರ ಪತಿಯೂ ಗಂಭೀರವಾಗಿ ಗಾಯಗೊಂಡಿದ್ದಾರೆ.
ಚಿತ್ರದುರ್ಗ ಮೂಲದ ಲತೀಫ ಶರೀಫ ಎಂಬಾತ ತನ್ನ ಕಾರನ್ನ ವೇಗವಾಗಿ ಚಲಾಯಿಸಿದ ಪರಿಣಾಮವೇ ದುರ್ಘಟನೆ ನಡೆದಿದ್ದು, ಕಾರಿನಲ್ಲಿದ್ದ ಖಾಜಾಬಿ ಸೈಯ್ಯದ ಸಲಿಂ, ಸೈಯ್ಯದಾಪೀಜಾ ಸೈಯ್ಯದ ಸಲೀಂ, ಸೈಯ್ಯದನಾಜನೀನ ಸೈಯ್ಯದ ರೋಷನ ಮೀರ, ಸೈಯ್ಯದಾ ನೂರೂಲ್ಲ ಐಮನ್ ಸೈಯ್ಯದ ರೋಷನ ಕೂಡಾ ಗಾಯಗೊಂಡಿದ್ದಾರೆ.
ಪೂನಾ ಬೆಂಗಳೂರ ರಸ್ತೆ ಮೇಲೆ ಪಾಲಿಕೊಪ್ಪ ಕ್ರಾಸ್ ಹತ್ತಿರ ಆರೋಪಿ ಲತೀಫ್ ತಂದೆ ಶಫೀರ ಸಾ. ಚಿತ್ರದುರ್ಗ ಈತನು ಕಾರ ನಂಬರ ಕೆಎ-44/ಎಂ-2901 ನೇದ್ದನ್ನು ಹಾವೇರಿ ಕಡೆಯಿಂದ ಹುಬ್ಬಳ್ಳಿ ಕಡೆಗೆ ಬಹಳ ಜೋರಿನಿಂದ ನಿರ್ಲಕ್ಷತನದಿಂದ ಮಾನವೀಯ ಪ್ರಾಣಕ್ಕೆ ಅಪಾಯವಾಗುವ ರೀತಿಯಲ್ಲಿ ನಡೆಯಿಸಿಕೊಂಡು ಬಂದು ಪಾಲಿಕೊಪ್ಪ ಕ್ರಾಸ್ ಸರ್ವಿಸ್ ರಸ್ತೆ ಕಡೆಯಿಂದ ಪೂನಾ ಬೆಂಗಳೂರ ಹೆದ್ದಾರಿಯ ಕಡೆಗೆ ಹುಬ್ಬಳ್ಳಿ ಕಡೆಯಿಂದ ಹಾವೇರಿ ಕಡೆಗೆ ಹೋಗುವ ರಸ್ತೆ ಕಡೆಗೆ ಯೂ ಟರ್ನದಲ್ಲಿ ಪ್ರತಿಮಾರ ಪತಿ ತನ್ನ ಮೋಟಾರ್ ಸೈಕಲ ನಂಬರ ಕೆಎ-25/ಇಯು-1250 ನೇದ್ದನ್ನು ಹೊಳಿಸುತ್ತಿದ್ದಾಗ ಸದರಿ ಮೋಟಾರ್ ಸೈಕಲಕ್ಕೆ ಡಿಕ್ಕಿ ಮಾಡಿ ಅಪಘಾತಪಡಿಸಿ, ಮೋಟಾರ್ ಸೈಕಲ್ ನಡೆಸುತ್ತಿದ್ದ ಪಿರ್ಯಾಧಿಗೆ ಭಾರಿ ಗಾಯಪಡಿಸಿ, ಮೋಟಾರ್ ಸೈಕಲ್ ಹಿಂದೆ ಕುಳಿತುಕೊಂಡಿದ್ದ ಪಿರ್ಯಾಧಿ ಹೆಂಡತಿ ಪ್ರತೀಮಾ (30 ವರ್ಷ) ಈತಳಿಗೆ ತಲೆಗೆ, ಬಲಗೈ, ಬಲಗಾಲಿಗೆ ಭಾರಿ ಗಾಯಪಡಿಸಿ ಸ್ಥಳದಲ್ಲಿಯೇ ಮರಣಪಡಿಸಿರುವ ಪ್ರಕರಣವನ್ನ ಗ್ರಾಮೀಣ ಠಾಣೆಯವರು ದಾಖಲಿಸಿಕೊಂಡು ಮುಂದಿನ ಕಾನೂನು ಕ್ರಮವನ್ನ ಜರುಗಿಸಿದ್ದಾರೆ.
