ಧಾರವಾಡ: ಉಸ್ತುವಾರಿ ಸಚಿವರ ಕ್ಷೇತ್ರದಲ್ಲೇ “ಜೀವಂತ ವ್ಯಕ್ತಿಯನ್ನ ಸತ್ತಿದ್ದಾನೆಂದು ಘೋಷಿಸಿರುವ ಸರಕಾರ”- ಪ್ರಜಾ ಸೇವಾ ಸಭೆಯಲ್ಲಿ ಬೆಳಕಿಗೆ ಬಂದ ಪ್ರಕರಣ…

ತಂದೆಯ ಮರಣ ದಾಖಲೆ ಪಡೆಯಲು ಹೋದ ಮಗನಿಗೇ ಮರಣ ಪ್ರಮಾಣಪತ್ರ; ಐದು ವರ್ಷಗಳಿಂದ ದಾಖಲೆಗಳಲ್ಲಿ ಸತ್ತಿರುವ ಅಶೋಕ ಗವಡೆನ್ನವರ ಗೋಳು

ಕಲಘಟಗಿ: ಧಾರವಾಡ ಜಿಲ್ಲಾ ಉಸ್ತುವಾರಿ ಸಚಿವರ ಕ್ಷೇತ್ರದಲ್ಲೇ ಸರ್ಕಾರಿ ಆಡಳಿತದ ನಿರ್ಲಕ್ಷ್ಯಕ್ಕೆ ಕನ್ನಡಿ ಹಿಡಿಯುವಂತಹ ಗಂಭೀರ ಘಟನೆ ಬೆಳಕಿಗೆ ಬಂದಿದೆ. ಜೀವಂತವಾಗಿರುವ ವ್ಯಕ್ತಿಯನ್ನೇ ಐದು ವರ್ಷಗಳಿಂದ ಸರ್ಕಾರಿ ದಾಖಲೆಗಳಲ್ಲಿ ಮೃತ ಎಂದು ನಮೂದಿಸಿರುವ ಆರೋಪ ಕೇಳಿಬಂದಿದ್ದು, ಈ ಆವಾಂತರದಿಂದ ಕುಟುಂಬವೊಂದು ಸಂಕಷ್ಟಕ್ಕೆ ಸಿಲುಕಿದೆ.

ಕಲಘಟಗಿ ತಾಲ್ಲೂಕಿನ ತಬಕದಹೊನ್ನಳ್ಳಿ ಗ್ರಾಮದ ಅಶೋಕ ಗವಡೆನ್ನವರ ಎಂಬುವವರು ಜೀವಂತವಾಗಿದ್ದರೂ, ಸರ್ಕಾರಿ ದಾಖಲೆಗಳಲ್ಲಿ ಐದು ವರ್ಷಗಳಿಂದ ಮೃತಪಟ್ಟಿದ್ದಾರೆಂದು ನಮೂದಿಸಲಾಗಿದೆ. ಈ ತಪ್ಪು ದಾಖಲೆಯಿಂದಾಗಿ ತಮ್ಮ ಮಕ್ಕಳ ವ್ಯಾಸಂಗ ಸೇರಿದಂತೆ ಕುಟುಂಬದ ಹಲವು ಅಗತ್ಯ ಕೆಲಸಗಳಿಗೆ ತೊಂದರೆ ಎದುರಿಸುತ್ತಿರುವುದಾಗಿ ಅವರು ಅಳಲು ತೋಡಿಕೊಂಡಿದ್ದಾರೆ.

ತಂದೆಯ ಮರಣ ದಾಖಲೆ ಕೇಳಿದ ಮಗನಿಗೇ ಮರಣದ ದಾಖಲೆ!

ತಂದೆಯ ಮರಣ ದಾಖಲೆಯನ್ನು ಪಡೆಯಲು ಆಧಾರ್ ಕಾರ್ಡ್ ನೀಡಿದ ಮಗನನ್ನೇ ಸರ್ಕಾರಿ ದಾಖಲೆಗಳಲ್ಲಿ ಮೃತಪಟ್ಟಿದ್ದಾನೆಂದು ನಮೂದಿಸಿರುವುದು ಪ್ರಕರಣದ ಮತ್ತೊಂದು ಆಘಾತಕಾರಿ ಸಂಗತಿ. ಗ್ರಾಮಲೆಕ್ಕಿಗ ಹುಲಮನಿ ಅವರಿಂದ ಈ ಆವಾಂತರ ನಡೆದಿದೆ ಎಂಬ ಆರೋಪ ಕೇಳಿಬಂದಿದೆ.

ಸರ್ಕಾರಿ ಕಚೇರಿಗಳಲ್ಲಿ ದಾಖಲೆಗಳ ನಿರ್ವಹಣೆ ಎಷ್ಟರ ಮಟ್ಟಿಗೆ ನಡೆಯುತ್ತಿದೆ ಎಂಬುದಕ್ಕೆ ಈ ಘಟನೆ ಪ್ರಶ್ನೆ ಎತ್ತಿದೆ. ಜೀವಂತ ವ್ಯಕ್ತಿಯೊಬ್ಬನನ್ನು ಮೃತ ಎಂದು ದಾಖಲಿಸುವಂತಹ ಗಂಭೀರ ತಪ್ಪು ಐದು ವರ್ಷಗಳ ಕಾಲ ಸರಿಪಡಿಸದೇ ಉಳಿದಿರುವುದು ಆಡಳಿತದ ಹೊಣೆಗಾರಿಕೆಯ ಮೇಲೆಯೇ ಅನುಮಾನ ಮೂಡಿಸಿದೆ.

ಪ್ರಜಾ ಸೇವಾ ಸಭೆಯಲ್ಲಿ ಹೊರಬಿದ್ದ ಮಾಹಿತಿ

ಕಲಘಟಗಿಯ ತಬಕದಹೊನ್ನಳ್ಳಿ ಗ್ರಾಮದಲ್ಲಿ ನಡೆದ ಪ್ರಜಾ ಸೇವಾ ಸಭೆಯಲ್ಲಿ ಈ ಪ್ರಕರಣದ ಮಾಹಿತಿ ಬಹಿರಂಗವಾಗಿದೆ. ಮಕ್ಕಳ ವ್ಯಾಸಂಗಕ್ಕಾಗಿ ಅಗತ್ಯ ದಾಖಲೆಗಳನ್ನು ಪಡೆಯಲು ಮುಂದಾದಾಗ ಎದುರಾದ ಸಮಸ್ಯೆಯಿಂದ ಅಶೋಕ ಗವಡೆನ್ನವರ ಕುಟುಂಬ ಸಂಕಷ್ಟಕ್ಕೆ ಸಿಲುಕಿರುವುದು ಸಭೆಯಲ್ಲಿ ಬೆಳಕಿಗೆ ಬಂದಿದೆ.

ಜೀವಂತ ವ್ಯಕ್ತಿಯನ್ನು ಮೃತ ಎಂದು ದಾಖಲಿಸಿರುವ ತಪ್ಪನ್ನು ತಕ್ಷಣ ಸರಿಪಡಿಸಿ, ಕುಟುಂಬಕ್ಕೆ ಉಂಟಾಗಿರುವ ತೊಂದರೆ ನಿವಾರಿಸಬೇಕು. ತಪ್ಪಿತಸ್ಥರ ವಿರುದ್ಧ ಸೂಕ್ತ ತನಿಖೆ ನಡೆಸಿ, ಇಂತಹ ಘಟನೆಗಳು ಮರುಕಳಿಸದಂತೆ ಆಡಳಿತ ಕಟ್ಟುನಿಟ್ಟಿನ ಕ್ರಮ ಕೈಗೊಳ್ಳಬೇಕು ಎಂಬ ಆಗ್ರಹ ಕೇಳಿಬಂದಿದೆ.

ಜೀವಂತ ವ್ಯಕ್ತಿಯ ಬದುಕನ್ನೇ ದಾಖಲೆಗಳಲ್ಲಿ ಅಳಿಸಿಹಾಕುವ ಮಟ್ಟಿಗೆ ಆಡಳಿತ ಯಂತ್ರ ಕುಸಿದಿದೆಯೇ? ಎಂಬ ಪ್ರಶ್ನೆ ಇದೀಗ ಸಾರ್ವಜನಿಕ