“Big Exclusive” ಧಾರವಾಡ: ರೇಲ್ವೆ ಬೋಗಿಯ ಸೀಟ್ ಕೆಳಗೆ ‘ರಕ್ತಸಿಕ್ತ’ ಯುವತಿಯ ದೇಹ… ವಿರೂಪಗೊಂಡ ಬಟ್ಟೆ…
ಧಾರವಾಡಕ್ಕೆ ಬಂದ ರೈಲಿನ ಬೋಗಿಯಲ್ಲಿ ರಕ್ತಸಿಕ್ತ ಯುವತಿಯ ಶವ ಪತ್ತೆ; ನಿಗೂಢ ಘಟನೆಗೆ ಹಲವು ಅನುಮಾನ
ಮಹಿಳಾ ಬೋಗಿಯ ಸೀಟ್ ಕೆಳಗಡೆ ಹಾಕಿರುವ ದುರುಳರು. ಸೊಲ್ಲಾಪುರದಿಂದ ಧಾರವಾಡಕ್ಕೆ ಬರುವ ಟ್ರೇನ್
ಧಾರವಾಡ: ಭಯಾನಕ ಹಾಗೂ ನಿಗೂಢ ಘಟನೆಯೊಂದು ಧಾರವಾಡದಲ್ಲಿ ಬೆಳಕಿಗೆ ಬಂದಿದ್ದು, ಮಹಾರಾಷ್ಟ್ರದಿಂದ ಧಾರವಾಡಕ್ಕೆ ಆಗಮಿಸಿದ ರೈಲಿನ ಬೋಗಿಯೊಂದರಲ್ಲಿ ರಕ್ತಸಿಕ್ತ ಸ್ಥಿತಿಯಲ್ಲಿ ಯುವತಿಯೊಬ್ಬಳ ಶವ ಪತ್ತೆಯಾಗಿದೆ.
ರೈಲಿನ ಬೋಗಿಯಲ್ಲೇ ಯುವತಿಯ ಮೃತದೇಹ ಪತ್ತೆಯಾಗಿರುವುದು ಆತಂಕಕ್ಕೆ ಕಾರಣವಾಗಿದ್ದು, ಘಟನೆ ಕುರಿತು ಹಲವು ಅನುಮಾನಗಳು ವ್ಯಕ್ತವಾಗಿವೆ. ಮೃತ ಯುವತಿ ಯಾರು, ಯಾವ ಊರಿನವರು ಹಾಗೂ ಯಾವ ಸಂದರ್ಭಗಳಲ್ಲಿ ಈ ದುರ್ಘಟನೆ ನಡೆದಿದೆ ಎಂಬ ಕುರಿತು ಇದುವರೆಗೆ ಯಾವುದೇ ಸ್ಪಷ್ಟ ಮಾಹಿತಿ ಲಭ್ಯವಾಗಿಲ್ಲ.
ಯುವತಿಯ ಮೈಮೇಲಿನ ಬಟ್ಟೆಗಳು ವಿರೂಪಗೊಂಡ ಸ್ಥಿತಿಯಲ್ಲಿದ್ದು, ಮುಖದ ಮೇಲೆಯೂ ಗಾಯದ ಹಾಗೂ ವಿಕೃತ ರೀತಿಯ ಕುರುಹುಗಳು ಕಂಡುಬಂದಿವೆ ಎನ್ನಲಾಗಿದೆ. ಮೃತದೇಹದ ಸ್ಥಿತಿಯನ್ನು ಗಮನಿಸಿದಾಗ ಪ್ರಕರಣದ ಹಿಂದಿನ ನಿಜಾಂಶದ ಕುರಿತು ಹಲವು ಪ್ರಶ್ನೆಗಳು ಉದ್ಭವಿಸಿವೆ.
ವಿಷಯ ತಿಳಿಯುತ್ತಿದ್ದಂತೆಯೇ ಹಿರಿಯ ಪೊಲೀಸ್ ಅಧಿಕಾರಿಗಳು ಸ್ಥಳಕ್ಕೆ ದೌಡಾಯಿಸಿ ಪರಿಶೀಲನೆ ನಡೆಸಿದ್ದಾರೆ. ಮೃತದೇಹದ ಗುರುತು ಪತ್ತೆ ಹಚ್ಚುವ ಜೊತೆಗೆ ಯುವತಿಯ ಸಾವಿಗೆ ನಿಖರ ಕಾರಣವೇನು ಎಂಬುದರ ಕುರಿತು ಪೊಲೀಸರು ಗಂಭೀರ ತನಿಖೆಗೆ ಮುಂದಾಗಿದ್ದಾರೆ.
ರೈಲಿನ ಬೋಗಿಯಲ್ಲೇ ಈ ಘಟನೆ ನಡೆದಿದೆಯೇ? ಇದು ಕೊಲೆಯೋ ಅಥವಾ ಬೇರೆ ಯಾವುದಾದರೂ ಕಾರಣದಿಂದ ಯುವತಿ ಮೃತಪಟ್ಟಿದ್ದಾರೆಯೇ? ಎಂಬ ಹಲವು ಅನುಮಾನಗಳು ಇದೀಗ ಮೂಡಿವೆ.
ಘಟನೆಯ ಹಿಂದಿನ ಸಂಪೂರ್ಣ ಸತ್ಯ ಪೊಲೀಸ್ ತನಿಖೆಯ ಬಳಿಕವೇ ಹೊರಬೀಳಬೇಕಿದೆ.
