ನಶೆ ರಾಜಧಾನಿಯಲ್ಲಷ್ಟೇ ಇಲ್ಲಾ.. ಇಲ್ಲೂ ಸಿಕ್ಕಿದೆ ಗಾಂಜಾ- ಶ್ರೀಗಂಧ: ಮಹಿಳಾಮಣಿಗಳೇ ಮಾಡ್ತಿದ್ರು..!
1 min readಚಿಕ್ಕಬಳ್ಳಾಪುರ: ರಾಜಧಾನಿ ಬೆಂಗಳೂರಿನಲ್ಲಿ ನಟ-ನಟಿಯರ ಡ್ರಗ್ಸ್ ದಂಧೆಯ ಕರಾಳ ಮುಖಗಳು ಬಯಲಾಗುತ್ತಿರುವ ಸಮಯದಲ್ಲೇ ರಾಜ್ಯದ ಬೇರೆ ಬೇರೆ ಜಿಲ್ಲೆಗಳಲ್ಲೂ ಈ ಗಾಂಜಾದ ನಶೆಗಳು ಬಯಲಾಗುತ್ತಿವೆ.
ಜಿಲ್ಲೆಯ ಚಿಂತಾಮಣಿನಗರದ ಕೀರ್ತಿ ಬಡಾವಣೆಯಲ್ಲಿ ಗಾಂಜಾ ದಂಧೆಯನ್ನ ಮಹಿಳೆಯರೇ ನಡೆಸುತ್ತಿದ್ದರಂತೆಎ.. ಖಚಿತ ಮಾಹಿತಿಯ ಮೇರೆಗೆ ದಾಳಿ ಮಾಡಿದ ಪೊಲೀಸರಿಗೆ ಗಾಂಜಾದ ಜೊತೆಗೆ ಶ್ರೀಗಂಧದ ತುಂಡುಗಳು ಸಿಕ್ಕಿರೋದು, ಮತ್ತೊಂದು ಪ್ರಕರಣವೂ ದೊರಕಿದಂತಾಗಿದೆ.
ಕೀರ್ತಿ ಬಡಾವಣೆಯಲ್ಲಿ ಗಾಂಜಾ ಮಾರಾಟ ಮಾಡುತ್ತಿದ್ದ ಶಬಾನಾ, ವಜೀರಖಾನ, ಶಾಬಾಜಖಾನ ಎಂಬುವವರನ್ನ ಬಂಧಿಸಿರುವ ಪೊಲೀಸರು ಅವರಿಂದ ಮೂರು ಕೆಜಿ ಗಾಂಜಾ ಮತ್ತು 43 ಕೆಜಿ ಶ್ರೀಗಂಧದ ತುಂಡುಗಳನ್ನ ವಶಕ್ಕೆ ಪಡೆಯಲಾಗಿದೆ.
ಅಕ್ರಮದ ವಸ್ತುಗಳನ್ನ ಶಬಾನಾ ತನ್ನ ಮನೆಯಲ್ಲಿಯೇ ಶೇಖರಿಸಿಟ್ಟುಕೊಂಡಿದ್ದಳು. ಪ್ರಮುಖ ಆರೋಪಿ ಅರ್ಭಾಜಖಾನ ತಲೆಮರೆಸಿಕೊಂಡಿದ್ದು, ಚಿಂತಾಮಣಿ ಠಾಣೆ ಪೊಲೀಸರು ಪ್ರಕರಣ ದಾಖಲಿಸಿಕೊಂಡು ಆರೋಪಿ ಪತ್ತೆಗಾಗಿ ಜಾಲ ಬೀಸಿದ್ದಾರೆ.
